telangana ev policy 2020: టూవీలర్, కారు కొనేవారికి TS సర్కార్ గుడ్‌న్యూస్.. భారీ డిస్కౌంట్లు! – telangana govt announces new electric vehicles policy for ten years


ఎలక్ట్రిక్‌ వాహనాలకు (ఈవీ) సంబంధించి కొత్త విధానాన్ని తెలంగాణ ప్రభుత్వం గురువారం ప్రకటించింది. 2020-2030 మధ్య కాలానికి ఎలక్ట్రిక్‌ వాహనాల కొనుగోలుకు సంబంధించిన విధానాలను వివరిస్తూ రాష్ట్ర ఐటీ, ఎలక్ట్రానిక్స్‌ శాఖ గురువారం ఉత్తర్వులు జారీ చేసింది. రాష్ట్రాన్ని ఎలక్ట్రిక్‌ వాహనాలు, ఎనర్జీ స్టోరేజ్‌ హబ్‌గా మార్చే ప్రణాళికలో భాగంగా ఈ కొత్త విధానాలను రూపొందించినట్లు ఆ శాఖ వెల్లడించింది. తాజా విధానాలకు అనుగుణంగా ఎలక్ట్రిక్‌ వాహనాల తయారీ, వినియోగానికి రాష్ట్ర ప్రభుత్వం పలు ప్రోత్సాహకాలను అందించన్నట్లుగా నూతన విధానంలో పేర్కొన్నారు.

ఎలక్ట్రిక్ వాహనాలను తెలంగాణలోనే కొనుగోలు చేసి, రిజిస్ట్రేషన్‌ చేయించుకునే వారికి ప్రభుత్వం పలు రాయితీలను ఇవ్వనున్నట్లు కొత్త విధానంలో వివరించారు. ఇందులో భాగంగా మొదటి 2 లక్షల ఎలక్ట్రిక్‌ బైక్‌లు, 20 వేల ఎలక్ట్రిక్‌ ఆటోలు, 5 వేల ఎలక్ట్రిక్‌ నాలుగు చక్రాల వాహనాలు, 10 వేల ఎలక్ట్రిక్‌ లైట్‌ గూడ్స్‌ వాహనాలు, 5 వేల ఎలక్ట్రిక్‌ కార్లు, 500 ఎలక్ట్రిక్‌ బస్సులకు రోడ్డు పన్ను, రిజిస్ట్రేషన్‌ రుసుం మినహాయింపు ఇవ్వనున్నట్లు ఉత్తర్వుల్లో పేర్కొన్నారు.

ఇక ఎలక్ట్రిక్‌ ట్రాక్టర్లకు రోడ్డు పన్ను, రిజిస్ట్రేషన్‌ రుసుం పూర్తిగా తొలగించనున్నట్లు ఉత్తర్వుల్లో వివరించారు. ప్రజా రవాణా వ్యవస్థలోనూ ఎలక్ట్రిక్‌ వాహనాల వాడకానికి ప్రోత్సాహకాలు అందిస్తున్నట్లు తెలిపారు. అంతేకాక, వాహనాలకు ఛార్జింగ్‌ పెట్టుకొనేందుకు వీలుగా అందుకు అవసరమైన చర్యలు చేపట్టనున్నట్లు ఉత్తర్వుల్లో పేర్కొన్నారు.

Must Read: ఎంసెట్‌పై తెలంగాణ సర్కార్ కీలక నిర్ణయం.. ఫుల్ ఖుషీలో విద్యార్థులు

Also Read: దసరాకు దుమ్మురేపిన లిక్కర్ సేల్స్.. 4 రోజుల్లో మైండ్ బ్లాక్ అయ్యే అమ్మకాలు



Source link

Leave a Reply

Your email address will not be published. Required fields are marked *