telangana father suicide: కూతురి పెళ్లికి అప్పు దొరక్క తండ్రి ఆత్మహత్య…. తెలంగాణలో విషాదం – man commits suicide in mahabubabad district over daughter marriage issue


కూతురి పెళ్లికి అప్పు దొరకలేదన్న మనస్తాపంతో తండ్రి ఆత్మహత్య చేసుకున్న విషాద ఘటన తెలంగాణలోని మహబూబాబాద్ జిల్లాలో జరిగింది. మహబూబాబాద్‌ జిల్లా డోర్నకల్‌ మండలం మన్నెగూడెం రెవెన్యూ పరిధిలోని చిల్కోయలపాడులో నివాసముండే నాగటి అప్పయ్య(40), దేవి దంపతులది నిరుపేద కుటుంబం. అప్పయ్య ఓ ఇంట్లో జీతానికి పనిచేస్తుండగా, దేవి రోజువారీ కూలి పనికి వెళ్తోంది. వీరికి ఇద్దరు ఆడపిల్లలు. పెద్ద కుమార్తెకు ఈ మధ్యే ఖమ్మం జిల్లాకు చెందిన యువకుడితో వివాహం నిశ్చయించారు. ఈ నెల 14న పెళ్లి చేసేందుకు ముహూర్తాలు కూడా పెట్టుకున్నారు.

Also Read: కీచక పోలీస్.. అర్ధరాత్రి ఒంటరి మహిళపై కానిస్టేబుల్‌ అఘాయిత్యం

అయితే పెళ్లి చేసేందుకు డబ్బులు లేకపోవడంతో అప్పయ్య అప్పు కోసం ప్రయత్నాలు మొదలుపెట్టాడు. బంధువులు, గ్రామస్థులు ఎవరిని అడిగినా లాక్‌డౌన్ కారణంగా తామే ఆర్థిక ఇబ్బందుల్లో ఉన్నామని చెప్పుకొచ్చారు. దీంతో కూతురి పెళ్లి చేయలేమోనన్న ఆందోళన చెందిన అప్పయ్య సోమవారం పురుగుల మందు తాగేశాడు. అపస్మారక స్థితిలో ఉన్న అతడిని గమనించిన కుటుంబసభ్యులు, బంధువులు వెంటనే ఖమ్మంలోని ప్రభుత్వాసుపత్రికి తరలించారు. పరిస్థితి విషమించడంతో చికిత్స పొందుతూ అప్పయ్య ప్రాణాలు కోల్పోయాడు. మృతుడి భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

Also Read: ఉద్యోగం పేరుతో పైశాచికం… యువతిని నిర్బంధించి 2 నెలలుగా గ్యాంగ్ రేప్



Source link

Leave a Reply

Your email address will not be published. Required fields are marked *