telangana formation day 2020: Telangana: ఆరేళ్ల తెలంగాణ.. విజయాలేంటి? విస్మరించిందేంటి? – telangana formation day: achievements and failures in the six years


ఐటీలో మేటిగా..

samayam telugu

తెలంగాణ ఉద్యమం సమయంలో హైదరాబాద్‌లో ఐటీ రంగం వృద్ధి నిలిచిపోయింది. ఉద్యమాల కారణంగా ఐటీ కంపెనీలు కొత్త కార్యాలయాల ఏర్పాటుకు వెనుకడుగు వేశాయి. కానీ ఇది తాత్కాలికమే అని నిరూపిస్తూ.. ప్రత్యేక రాష్ట్రం అవతరించాక హైదరాబాద్ ఐటీ వేగంగా పురోగమిస్తోంది. బెంగళూరుకు ధీటుగా భాగ్యనగరం ఐటీ సంస్థలను ఆకర్షిస్తోంది. తెలంగాణ ఏర్పాటయ్యాక దిగ్గజ సంస్థలు హైదరాబాద్‌లో కార్యకలాపాలు ప్రారంభించాయి. రాష్ట్రం ఏర్పాటయ్యాక తొలి ఏడాది రాష్ట్ర ఐటీ ఎగుమతుల విలువ రూ.66 వేల కోట్లు ఉండగా.. 2019-20 నాటికి రూ. 1,28,807 కోట్లకు చేరాయి. వరంగల్, ఖమ్మం, కరీంనగర్ లాంటి ద్వితీయ శ్రేణి పట్టణాల్లో సైతం ఐటీ కంపెనీలు కార్యకలాపాలు ప్రారంభించేలా ప్రభుత్వం ప్రోత్సహిస్తోంది. ఐటీ రంగం ద్వారా తెలంగాణలో 5.80 లక్షల మంది ఉపాధి పొందుతున్నారు.

Read Also:తెలంగాణ ఐటీ రిపోర్ట్ 2020

పెరుగుతున్న రుణ భారం

samayam telugu

తెలంగాణ వచ్చిన తర్వాత చేపట్టిన సంక్షేమ పథకాలు, సాగునీటి ప్రాజెక్టుల కారణంగా రాష్ట్రంపై అప్పుల భారం కొండలా పెరిగిపోయింది. 2019 సెప్టెంబర్లో తెలంగాణ ప్రభుత్వం అసెంబ్లీ ముందు ఉంచిన కాగ్ రిపోర్టు ప్రకారం రాష్ట్ర రుణ భారం రూ. 1.42 లక్షల కోట్లు. కాగా 2014-19 మధ్య తెలంగాణ సర్కారు ప్రాజెక్టులపై రూ.79 వేల కోట్లకుపైగా ఖర్చు చేసింది. గత ఆర్థిక సంవత్సరం నాటికే తెలంగాణ అప్పుల భారం రూ. 2 లక్షల కోట్లు దాటిందని కాంగ్రెస్ ఆరోపిస్తోంది. ఉమ్మడి రాష్ట్రం నుంచి విడిపోయాక తెలంగాణపై రూ.75 వేల కోట్ల అప్పుల భారం ఉంటే.. ఈ ఆరేళ్లలోనే అవి రూ. 2 లక్షల కోట్లు దాటాయని ప్రతిపక్షం విమర్శిస్తోంది. 2024 నాటికి తెలంగాణ అప్పులు రూ. 5 లక్షల కోట్లకు చేరే ప్రమాదం ఉందని హెచ్చరిస్తోంది. ప్రభుత్వం మాత్రం అభివృద్ధి, సంక్షేమం కోసం అప్పులు చేయడం తప్పు కాదంటోంది. ధనిక రాష్ట్రమైన తెలంగాణ లాక్‌డౌన్ వల్ల ఉద్యోగులకు జీతాలు కూడా ఇవ్వలేకపోతోందని బీజేపీ నేతలు విమర్శిస్తున్నారు.



Source link

Leave a Reply

Your email address will not be published. Required fields are marked *