telangana lockdown extension: డిసెంబర్ దాకా లాక్‌డౌన్‌ ఉండాలి.. లేదంటే.. ఎమ్మెల్యే సంచలన వ్యాఖ్యలు – mla jagga reddy says lockdown must extend to december amid festivals


కరోనా వైరస్ వల్ల అమలు చేయాల్సి వస్తున్న లాక్‌ డౌన్‌ను తెలంగాణలో డిసెంబరు నెల వరకూ పొడిగించాలని కాంగ్రెస్‌ ఎమ్మెల్యే జగ్గారెడ్డి డిమాండ్ చేశారు. దీనికి సంబంధించి తమ పార్టీ తరపున ముఖ్యమంత్రి కేసీఆర్‌కు లేఖ రాస్తానని చెప్పారు. మే తర్వాతి నుంచి అన్ని సామూహికంగా జరుపుకొనే పండుగలే రానున్నందున కరోనా ప్రబలిపోయే అవకాశం ఉందని సూచించారు. కాబట్టి లాక్‌ డౌన్‌ పొడిగింపు ఒక్కటే పరిష్కారమని అభిప్రాయపడ్డారు.

ఓ మీడియా సంస్థతో జగ్గారెడ్డి మాట్లాడుతూ ఈ వ్యాఖ్యలు చేశారు. సోమవారం సీఎల్పీ సమావేశం సందర్భంగా కూడా జగ్గారెడ్డి తన అభిప్రాయాలను వెల్లడించారు. ఆర్థిక వ్యవస్థ పేరుతో లాక్ డౌన్‌ను ఎత్తేస్తే ఇప్పటివరకూ పడ్డ కష్టమంతా వృథా అవుతుందని అన్నారు. లాక్‌ డౌన్‌ను ఈ ఏడాది పొడిగించుకుంటే వచ్చే ఏడాది పండుగలను స్వేచ్ఛగా జరుపుకోవచ్చని చెప్పారు.

మరోవైపు, ఇబ్బందులు పడే రోజు కూలీలకు ప్రభుత్వం అన్ని రకాలుగా ఆదుకోవాలని చెప్పారు. కరోనా కట్టడి కోసం తెలంగాణ రాష్ట్ర ప్రభుత్వం ఏ నిర్ణయం తీసుకున్నా కాంగ్రెస్‌ ఎమ్మెల్యేలుగా తాము సహకరిస్తామని చెప్పారు.

రంజాన్‌ సందర్భంగా ముస్లింలపై బీజేపీ నేతలు చేస్తున్న వ్యాఖ్యలు అర్థరహితమని, పార్టీలన్నీ కొన్ని రోజులపాటు రాజకీయ పరమైన విమర్శలు చేసుకోకపోవడమే మంచిదని జగ్గారెడ్డి అన్నారు. సీఎం కేసీఆర్‌ ముందుజాగ్రత్తతో మే 7 వరకు పొడిగించిన లాక్‌ డౌన్‌ ఫలితాలు ఇప్పుడిప్పుడే కనిపిస్తున్నాయని పేర్కొన్నారు. ప్రజా సమస్యలపై సీఎల్పీ తరఫున సీఎం కేసీఆర్‌ను కలవాలని కాంగ్రెస్ సీనియర్ నేత భట్టి విక్రమార్కకు సూచించారు.



Source link

Leave a Reply

Your email address will not be published. Required fields are marked *