telangana lockdown relaxation: స్టైల్ మార్చిన సీఎం కేసీఆర్.. ప్రధాని మోదీ దారిలో.. – cm kcr looks like pm modi style in review meet over coronavirus with higher official


కరోనా వైరస్ దేశంలోకి చొరబడినప్పటి నుంచి మాస్కుల వినియోగం బాగా పెరిగిపోయింది. రాష్ట్రపతి, ప్రధాని, కేంద్ర మంత్రులు, ముఖ్యమంత్రులు సహా ప్రముఖులంతా మాస్కులు ధరించి అధికారిక కార్యక్రమాలు, ప్రెస్ మీట్లలో పాల్గొంటున్నారు. ప్రధాని మోదీ కూడా తరచూ ఓ కండువాను ముఖానికి అడ్డు పెట్టుకొని కనిపిస్తున్నారు. అంతా మాస్కులు ధరిస్తుండగా, ప్రధాని మోదీ మాత్రం ముఖానికి కండువా అడ్డుపెట్టుకొని ప్రత్యేకంగా కనిపించారు. ఈ క్రమంలో తెలంగాణ ముఖ్యమంత్రి కేసీఆర్ కూడా శుక్రవారం ఓ కార్యక్రమంలో ప్రధాని మోదీ శైలిని అనుసరించడం ప్రాధాన్యం సంతరించుకుంది.

కరోనా నివారణ చర్యలు, లాక్ డౌన్‌ అమలు తీరుపై శుక్రవారం (మే 15) నాడు జరిగిన అత్యున్నత స్థాయి సమీక్షకు ముఖ్యమంత్రి కేసీఆర్.. మోదీ స్టైల్‌లోనే హాజరయ్యారు. ముఖానికి మాస్కుకు బదులు కండువా అడ్డుపెట్టుకొని సమీక్షలో పాల్గొన్నారు. అలాగే, అధికారులతో చర్చించారు. మోదీ ముఖానికి కండువా కట్టుకొనే తరహాలోనే ఆయన కనిపించడం విశేషం. సమీక్షకు ముందు నర్సంపేట ఎమ్మెల్యే పెద్ది సుదర్శన్ రెడ్డి తన నియోజకవర్గంలో రక్తదానం కోసం ముందుకు వచ్చిన దాతల అనుమతి పత్రాలను సీఎం కేసీఆర్‌కు అందించారు. ఈ సమయంలో కూడా కేసీఆర్ తువ్వాలును ముఖానికి కట్టుకొనే కనిపించారు.

samayam telugu

ప్రధాని మోదీ (ఫైల్ ఫోటో)

ఇక సమీక్షలో ప్రస్తుతానికి తెలంగాణలో లాక్ డౌన్‌ను యథాతథంగా కొనసాగించాలని నిర్ణయించారు. ఏసీ షోరూంలు, ఆటోమొబైల్ దుకాణాలు, స్పేర్ పార్ట్‌ల షాపులకు మాత్రం మినహాయింపు ఇచ్చారు. లాక్ డౌన్‌లో నిబంధనలు అనుసరించి ఆ దుకాణాలు తెరుచుకొనేందుకు అనుమతించారు. మే 17న కేంద్రం విధించిన లాక్ డౌన్ ముగియనున్న సంగతి తెలిసిందే. ఆ తర్వాత విధించే లాక్ డౌన్-4 నిబంధనలు కేంద్రం విడుదల చేశాక, దాన్ని బట్టి తెలంగాణలో వ్యూహం ఖరారు చేద్దామని సీఎం అధికారులకు చెప్పారు.

Also Read:

తెలంగాణలో ఎక్కడా కరోనా కేసుల్లేవ్.. ఆ 4 జోన్లు తప్ప..: కేసీఆర్

Also Read:

లాక్‌డౌన్ వేళ పబ్‌లు, బార్లకు సర్కారు కీలక ఆదేశాలు



Source link

Leave a Reply

Your email address will not be published. Required fields are marked *