telangana lockdown rules: ఆర్టీసీ బస్సులు, హైదరాబాద్‌లో సడలింపులపై ఆ తేదీన నిర్ణయం.. కేసీఆర్ – relaxations over tsrtc and hyderabad will take decision on may 15 says cm kcr


లాక్‌డౌన్-3 మార్గదర్శకాల్లో గ్రీన్ జోన్ల పరిధిలో ఆర్టీసీ బస్సులను 50 శాతం ఆక్యుపెన్సీతో తిప్పుకోవచ్చని పేర్కొన్నా తెలంగాణ మాత్రం అందుకు అనుమతించలేదు. ప్రస్తుతానికి తెలంగాణలో ఏ జోన్‌లోనూ ఆర్టీసీ బస్సులు తిరగబోవని సీఎం కేసీఆర్ తేల్చి చెప్పారు. గ్రీన్ జోన్లో ఆటోలు, క్యాబ్‌లకు.. ఆరెంజ్ జోన్లలో కేవలం క్యాబ్‌లకు మాత్రమే అనుమతి ఇచ్చినట్లు చెప్పారు. ఆర్టీసీ బస్సుల్లో జనం ఎక్కువగా తిరిగితే కరోనా వ్యాప్తి చెందే అవకాశముందని, అందుకే ఆ విషయంలో సడలింపులు ఇవ్వలేదని కేసీఆర్ చెప్పారు. మంగళవారం రాష్ట్ర మంత్రి వర్గ భేటీ అనంతరం సీఎం కేసీఆర్ మీడియాతో మాట్లాడారు.

హైదరాబాద్ సహా, రంగారెడ్డి, మేడ్చల్ మల్కాజ్ గిరి జిల్లాల్లో కఠిన నిబంధనలు అమల్లో ఉంటాయని కేసీఆర్ చెప్పారు. ఈ ప్రాంతాల్లో జనసాంద్రత ఎక్కువగా ఉంటుంది కాబట్టి.. ఏ మాత్రం సడలింపులు ఇచ్చినా వాహనాలు వేలాదిగా రోడ్డుపైకి వచ్చేస్తాయని దాన్ని అదుపు చేయడం కష్టమని వ్యాఖ్యానించారు. అలాంటప్పుడు భౌతిక దూరం పాటించడం సాధ్యం కాదని అన్నారు.

Also Read:

తెలంగాణలో ఏ జోన్లలో ఎలాంటి సడలింపులు.. మనం ఏం చేయొచ్చు..

కేంద్ర మార్గదర్శకాల ప్రకారం ఆర్టీసీకి కూడా సడలింపు ఇవ్వచ్చు కదా అని ఓ విలేకరి ప్రశ్నించగా.. అది సాధ్యం కాదని కేసీఆర్ చెప్పారు. ఎందుకంటే సిద్దిపేట గ్రీన్ జోన్ అని, పక్కనే ఉన్న సంగారెడ్డి ఆరెంజ్ జోన్ అని.. ఇక్కడి బస్సులు అక్కడి వెళ్తాయి కాబట్టి తెలంగాణలో ఆర్టీసీ బస్సులను నడపడం కుదరదని వివరించారు. ఆర్టీసీ అంశం మే 15న మరోసారి జరిగే సమీక్షా సమావేశంలో చర్చకు వస్తుందని చెప్పారు. అప్పటి పరిస్థితులు, కరోనా కేసుల ఆధారంగా తదుపరి నిర్ణయాలు తీసుకుంటామని వెల్లడించారు. హైదరాబాద్‌లో సడలింపులపైనా అప్పుడే నిర్ణయం తీసుకుంటామని చెప్పారు.

Also Read:

లాక్‌డౌన్‌లో ఇళ్లకు వెళ్లే మార్గాలివీ.. కూలీలు, ఉద్యోగులకు వేర్వేరుగా..



Source link

Leave a Reply

Your email address will not be published. Required fields are marked *