Tesla: ఒక్క ట్వీట్‌తో రూ.లక్ష కోట్ల నష్టం.. వీడెవడండీ బాబు! – elon musk bizarre tweet wipes $14bn off tesla’s value


ప్రధానాంశాలు:

  • ట్వీట్ చేసిన కంపెనీ సీఈవో
  • దీంతో కంపెనీకి 14 బిలియన్ డాలర్లు నష్టం
  • హరించుకుపోయిన మార్కెట్ వ్యాల్యూ

ఈ విషయం తెలుసుకుంటే.. డబ్బుకు విలువ లేకుండా పోయిందనిపిస్తుంది. ఏంటి ఆ విషయం అని ఆలోచిస్తున్నారా? క్షణాల్లో రూ.లక్ష కోట్ల నష్టం. రూ.లక్ష కోట్లు అనగానే ఎన్నో విషయాలు మీ మదిలో మెదిలి ఉండొచ్చు. కానీ అవేమీ కాదు. ఇక్కడ కేవలం ఒకే ఒక్క ట్వీట్‌తో దాదాపు రూ.లక్ష కోట్లు పోయాయి. ట్వీట్‌కు, రూ.లక్ష కోట్లకు సంబంధం ఏంటి ఆలోచిస్తున్నారా?

ఇక్కడ రెండింటికీ లింక్ ఉంది. ట్వీట్ చేసింది ఏ సాధారణ వ్యక్తో కాదు. అమెరికాకు చెందిన దిగ్గజ వాహన తయారీ కంపెనీ టెస్లా బాస్ ఎలన్ మాస్క్. ఈయన కంపెనీకి సంబంధించి ఒక ట్వీట్ చేశారు. టెస్లా షేరు ధర చాలా ఎక్కువ అని ట్వీట్ చేశారు. అంతే కంపెనీ షేరు ధర పడిపోయింది. కంపెనీ మార్కెట్ వ్యాల్యూ ఏకంగా 14 బిలియన్ డాలర్లు హరించుకుపోయింది. ట్వీట్‌కు ముందు 141 బిలియన్ డాలర్ల వద్ద ఉన్న కంపెనీ మార్కెట్ వ్యాల్యూయేషన్ తర్వాత 127 బిలియన్ డాలర్లకు దిగొచ్చింది. మన కరెన్సీలో చెప్పుకోవాలంటే నష్టం రూ.లక్ష కోట్లకు పైమాటే.

Also Read: గుడ్ న్యూస్.. భారీగా దిగొచ్చిన బంగారం ధర.. వెండి పతనం!

Also Read: LIC పాలసీ అదిరింది.. రోజుకు రూ.48తో ఏకంగా రూ.కోటి!

ఇక్కడ కంపెనీ షేరు విలువ తగ్గిపోవడంతో ఎలన్ మాస్క్ వాటా కూడా 3 బిలియన్ డాలర్లు క్షీణించింది. మన కరెన్సీలో దాదాపు రూ.20 వేల కోట్లు. దీనికంతటికీ ఆ ఒక్క ట్వీట్ కారణం. కంపెనీ మార్కెట్ క్యాప్ హరించుకుపోవడం, ఎలన్ మాస్క్ వాటా తగ్గిపోవడం మాత్రమే కాకుండా ఇక్కడ ఆ ఒక్క ట్వీట్‌తో ఎలన్ మాస్క్ చిక్కుల్లో కూడా పడబోతున్నారు.

ఎలన్ మాస్క్ చేసిన ట్వీట్ కారణంగా కంపెనీ ఇన్వెస్టర్లపై ప్రతికూల ప్రభావం పడింది. ఇది నిబంధనలకు వ్యతిరేకం. దీంతో అమెరికా సెక్యూరిటీస్ అండ్ ఎక్స్చేంజ్ కమిషన్ (SEC) సహా కంపెనీ బోర్డు ఎలన్ మాస్క్ ట్వీట్ అంశంపై దర్యాప్తు చేసే అవకాశముంది. ఈ నేపథ్యంలో ఎలన్ మాస్క్ టెస్లా సీఈవో పదవి కోల్పోయిన ఆశ్చర్యపోవాల్సిన అవసరం లేదు.



Source link

Leave a Reply

Your email address will not be published. Required fields are marked *