tips for open pores : ఓపెన్ పోర్స్ తగ్గాలా అయితే ఇలా చేయండి.. – juice for a glowing and nourished skin know to here how to prepare


తాజా పండ్లు, కూరగాయల్లో మంచి పోషకాలుంటాయి. చర్మం మెరవాలంటే పండ్ల రసాలతో పాటు, వెజిటేబుల్ రసాలు కూడా మంచివే. ఇవి ఆరోగ్యంగా వుంచటమే కాక త్వరగా శరీర చర్మంపై ఎఫెక్ట్ చూపుతాయి. అంతేకాదు, ఈ రసాలను శరీరం అతి త్వరగా పీల్చేసుకుని జీర్ణం చేసుకుంటుంది. రోజువారీ జీవితంలో ఎవరెంత బిజీ షెడ్యూల్ వున్నా తప్పకుండా ఒక్క గ్లాస్ వెజిటేబుల్ జ్యూసులు తాగితే శరీరానికి మేలు చేస్తుందని నిపుణులు చెబుతున్నారు. చర్మం కొరకు మంచి పోషకాలు గల తాజా జ్యుసులు తీసుకోవాలి. ఇందులో క్యారెట్, టమాటో జ్యూస్‌లు ఎంతగానో మేలు చేస్తాయి. ఇవి చర్మకాంతిని మెరుగుచేస్తాయి. కాబట్టి, మీకు ఏది అందుబాటులో వుంటే ఆ జ్యూస్‌ని తాగి అందం, ఆరోగ్యాన్ని సంరక్షించుకోండి.


Also Read : హస్తప్రయోగం ఎక్కువగా చేస్తే పిల్లలు పుట్టరా..

వేల రూపాయలు ఖర్చుపెట్టి కొనే ప్రముఖ బ్రాండ్‌లతో పోలిస్తే, సహజ ఔషదాలతో దోషరహిత చర్మాన్ని పొందొచ్చు. అంతే కాకుండా, వీటి వల్ల ఎలాంటి దుష్ప్రభావాలు కూడా ఉండవు. అందానికి ఫేస్ ప్యాక్ ల కన్నా జ్యూస్‌లు మేలు!. యవ్వనంగా, గ్లోయింగ్ స్కిన్ తో కనబడాలంటే కొన్ని బెస్ట్ ఫ్రూట్ జ్యూస్‌లు కూడా ఉన్నాయి. ఫ్రెష్‌గా ఉండే పండ్లు, కూరగాయల జ్యూసులు మన శరీరానికి అవసరం అయ్యే యాంటీ ఆక్సిడెంట్స్, విటమిన్స్, మినిరల్స్‌ని పుష్కలంగా అందిస్తాయి. అంతేకాదు, ఇవన్నీ కూడా మన చర్మ ఆరోగ్యానికి, అందానికి చాలా అవసరం అవుతాయి. ఆశ్చర్యం కలిగించే చర్మ సౌందర్య రహస్యాలు ఈ జ్యూస్‌లతో పొందుతారు. వీటి వల్ల చర్మం చాలా సున్నితంగా మెరుస్తుంటుంది. ఉండాల్సిన దానికంటే మరింత అందంగా కనిపించేలా చేస్తుంది. జ్యూసుల్లో ఉండే యాంటీ ఆక్సిడెంట్స్, విటమిన్స్ చర్మం మీద ఎలాంటి గాయాలున్నా, ఇన్ఫెక్షన్స్ ఉన్నా వేగంగా నయం చేస్తాయి. అంతేకాదు, వాటి స్థానంలో కొత్త స్కిన్ సెల్స్ ఏర్పడుతాయి.

మీ చర్మం కూడా నీరసంగా, ప్రాణం లేనిదిగా కనిపిస్తుందా? సౌందర్య ఉత్పత్తులు మీరు కోల్పోయిన మెరుపుని తిరిగి తీసుకురాలేవు? కాబట్టి ఈ సమస్య పరిష్కారానికి మీ కిచెన్‌లోకి వెళ్లండి.. అవును, మీరు కరెక్ట్ గానే విన్నారు.. మీ కిచెన్‌లో రుచికరమైన ఆహారాన్ని వండటమే కాదు… అదనంగా మీ చర్మ సౌందర్యాన్ని పెంచే ఆహార పదార్థాలు కూడా ఉంటాయి. మీరు రోజూ వారి ఆహారంలో తగినంత పండ్లు, కూరగాయలను కలిగి ఉండాలని వైద్యులు చెబుతున్నారు. అవి మీ ఆరోగ్యం విషయంలో అద్భుతాలు చేయగలవు. అంతేకాక, మీ చర్మాన్ని సహజమైన కాంతితో నింపడానికి సహాయపడతాయి. మీ చర్మానికి మంచి యాంటీ ఆక్సిడెంట్లతో నిండిన లెక్కలేనన్ని పండ్లు, కూరగాయలు ఉన్నాయి. మనం ఇక్కడ ఇతర దేశాల నుంచి దిగుమతి చేసుకున్న పండ్లు, కూరగాయల గురించి మాట్లాడటం లేదు. క్యారెట్, టమోటా వంటి ప్రాథమికమైనవి మీ చర్మానికి సహజకాంతిని తీసుకొస్తాయని చెప్పొచ్చు. రెండింటి నుండి ఉత్తమమైన ప్రయోజనాలు ఎలా పొందాలి అంటే వాటిని జ్యూస్ చేయడం ఒక మార్గం.


చర్మానికి క్యారెట్ ప్రయోజనాలు

కాంతివంతమైన చర్మం కోసం ఒక ఉత్తమ వెజిటేబుల్ జ్యూస్ ఏదైనా ఉందంటే అది క్యారెట్ జ్యూస్. ఎందుకంటే ఈ క్యారెట్‌‌లో విటమిన్ సి, బీటా కెరోటిన్‌లు పుష్కలంగా ఉంటాయి. విటమిన్ సి వృద్ధాప్యం, ముడుతలతో సంబంధం ఉన్న ఫ్రీరాడికల్ చర్యను నిరోధిస్తుండగా, బీటా కెరోటిన్ చర్మ మంటను నివారిస్తుంది. అంతే కాదు, ఫైబర్ అధికంగా ఉండే బౌల్ మూమెంట్‌ని మెరుగుపరిచి, పొట్టను ఎప్పటికప్పుడు శుభ్రపరుస్తుంది. ఇది దీర్ఘకాలిక ప్రయోజనాలను అందిస్తుంది. ముఖ్యంగా చర్మాన్ని ప్రకాశవంతంగా మార్చుతుంది. వృద్ధాప్యఛాయలను దరిచేరనివ్వదు. ఇది మిమ్మల్ని యవ్వనంగా మార్చేస్తుంది. డికె పబ్లిషింగ్ హౌస్ రాసిన ‘హీలింగ్ ఫుడ్స్’ పుస్తకంలో “బీటా కెరోటిన్, లుటిన్, లైకోపీన్లతో పాటు, క్యారెట్ లో సిలికాన్ ఉంటుంది, ఇది ఆరోగ్యకరమైన చర్మం, గోళ్ళను ఇస్తుంది.” అని ఉంది.

Also Read : ఇలా స్నానం చేస్తే రొమాన్స్‌లో కింగ్ అవుతారు…

టమోటా ప్రయోజనాలు


ప్రతి ఇంట్లో సులభంగా లభించే టమాటోలో చర్మానికి మేలు చేసే ఎన్నో గుణాలు ఉంటాయి. టమోటోను ఫ్రూట్‌గాను, వెజిటేబుల్‌‌గాను భావిస్తుంటారు. వీటిని వివిధ రకాల వంటలో ఉపయోగిస్తుంటారు . టమోటో జ్యూస్ మన శరీరానికి చాలా గొప్పగా పనిచేస్తుంది. ఎందుకంటే ఇందులో కొలెస్ట్రాల్ ను వేరు చేసే పొటాషియం అధికంగా ఉంటుంది. దీనితో పాటు లైకోపిన్ కూడా అత్యధికంగా ఉంటాయి. ఇవి యాంటీ క్యాన్సేరియస్ లక్షణాలను నివారిస్తుంది. టొమాటోలో విటమిన్ సి పుష్కలంగా లభిస్తాయి . టమోటాలలోని లైకోపీన్, ఇది యాంటీఆక్సిడెంట్, ఇది శరీరంలో ఫ్రీ రాడికల్స్‌తో పోరాడటానికి సాయపడుతుంది. చర్మంపై అదనపు సెబమ్ ఉత్పత్తిని తగ్గించడానికి సాయపడతుంది, ఇది బ్లాక్ హెడ్స్, వైట్ హెడ్స్ యొక్క వ్యాప్తిని తగ్గుతుంది. అదే విధంగా చర్మంపై రంధ్రాల కుంచించుకుపోయే లక్షణాలను కలిగి ఉన్నాయని,చర్మాన్ని బిగుతుగా ఉంచడానికి సాయపడతాయని, మొటిమలు అవకాశాలను తగ్గిస్తుందని చెబుతున్నారు. కాబట్టి ఓపెన్ పోర్స్ సమస్యతో బాధపడే వారు టమోటా రసాన్ని టాన్ చేసిన ప్రదేశాలలో రుద్దడం వల్ల మీరు పోషకమైన, మెరిసే చర్మాన్ని పొందవచ్చు.

Also Read : యాంటీ బయాటిక్స్‌తో కరోనా వైరస్ తగ్గుతుందా..?

ఇప్పుడు చర్మానికి మేలు చేసే క్యారెట్, టమోట జ్యూస్‌ని ఎలా తయారు చేయాలో చూద్దాం..

కావాల్సిన పదార్ధాలు:


1 మీడియం టమోటా- చిన్న విభాగాలలో కట్ చేయండి, మీ బ్లెండర్ కు సరిపోయే విధంగా

1 మీడియం క్యారెట్, చిన్న ముక్కలుగా కట్ చేయండి

సగం నారింజ

తయారీ విధానం:


బ్లెండర్ ను తీసుకోండి, అందులో ముక్కలుగా తరిగిన క్యారట్, టమోటా, నారింజ లను వెయ్యండి. దీనిని మిక్సీ పట్టి జ్యూస్‌ తయారుచేసుకోండి. జ్యూస్ చిక్కగా ఉంటే నీరు కలపండి. దీనిని ఎప్పటికప్పుడు చేసుకుని తాగండి. ఇంట్లోనే ఈ రసాన్ని తయారు చేసుకోండి. మీ చర్మంపై దాని ప్రభావాన్ని మీరే చూడండి. మీరు తాజా పండ్లు, కూరగాయలతోనే ఈ జ్యూస్ చేసుకోండి.





Source link

Leave a Reply

Your email address will not be published. Required fields are marked *