tirumala laddu in hyderabad: హైదరాబాద్‌లో తిరుమల శ్రీవారి లడ్డూ కావాలా.. సగం ధరకే.. – ttd selling lord venkateshwara laddu prasadam in hyderabad


తిరుమల శ్రీ వేంకటేశ్వర స్వామి వారి లడ్డూ ప్రసాదం ఆదివారం నుంచి హైదరాబాద్‌లో లభించనుంది. హైదరాబాద్ హిమాయత్ నగర్‌లోని టీటీడీ కార్యాలయంలో వీటిని విక్రయించనున్నట్లు తిరుమల తిరుపతి దేవస్థానం వెల్లడించింది. ఇందులో బాగంగా తిరుమల నుంచి 40 వేల లడ్డూలను హైదరాబాద్‌కు ఇప్పటికే పంపించినట్లు వెల్లడించింది. లాక్‌ డౌన్‌ కారణంగా శ్రీవారిని దర్శించుకోలేకపోతున్న వేళ భక్తులకు స్వామివారి ఆశీస్సులు అందించాలనే ఉద్దేశంతోనే లడ్డూ ప్రసాదాలను హైదరాబాద్‌లో అందుబాటులో ఉంచాలని నిర్ణయం తీసుకున్నట్లు తెలిపింది.

ఇప్పటికే గత ఆరు రోజులుగా ఏపీలోని 13 జిల్లాల్లో లడ్డూలను విక్రయిస్తున్నారు. ఈ క్రమంలో దాదాపు 13 లక్షల మంది భక్తులు లడ్డూ ప్రసాదాలను కొనుగోలు చేశార‌ని టీటీడీ అధికారులు తెలిపారు. అయితే, ఇత‌ర రాష్ట్రాల్లోనూ ల‌డ్డూ ప్రసాదాల అమ్మకానికి అక్కడి ప్రభుత్వాల అనుమతి ఉండాలని, దీనికి సంబంధించి సంప్రదింపులు జరుగుతున్నాయని అధికారులు చెప్పారు. తెలంగాణతో సంప్రదింపులు జరిపిన అనంతరం మే 31 నుంచి హైద‌రాబాద్‌లోని హిమాయ‌త్ న‌గ‌ర్ టీటీడీ ఆఫీసులో ల‌డ్డూల‌ను అందుబాటులో ఉంచనున్నారు. సాధారణ రోజుల్లో లడ్డూ ధర రూ.50 ఉండగా ప్రస్తుతం 50 శాతం సబ్సిడీతో ఒక్కో లడ్డూ రూ.25కే అందిస్తున్నారు.

Must Read:

Lockdown 5.0: మాల్స్‌కు గ్రీన్‌ సిగ్నల్.. వీటికి అనుమతి, వీటికి లేవు



Source link

Leave a Reply

Your email address will not be published. Required fields are marked *