tirumala leopard: షాకింగ్ వీడియో: తిరుమల వీధుల్లో చిరుత సంచారం – leopard caught on cctv at tirumala roads


కరోనా వైరస్, లాక్‌డౌన్‌తో తిరుమలకు కళ తప్పింది. కొండపై జనసంచారం తగ్గడం.. ఘాట్ రోడ్డులు మూసివేయడంతో వన్యప్రాణుల సంచారం పెరిగింది. తాజాగా మాడ వీధుల్లో బుధవారం తెల్లవారు జామున స్థానిక కర్ణాటక సత్రం, రింగ్‌రోడ్డు సమీపంలో చిరుత హల్చల్ చేసింది. ఈ సీన్ సీసీ కెమెరాల్లో రికార్డయ్యాయి. రెండు రోజులుగా ఇదే ప్రాంతంలో తిరుగుతుండడంతో మఠాల్లోని సిబ్బంది భయాందోళనలు వ్యక్తం చేస్తున్నారు. దీంతో అటవీ అధికారులు అప్రమత్తమయ్యారు.. నిఘా పెంచారు.

ఇటు ప్రభుత్వం కూడా తిరుమలకు భక్తుల్ని అనుతించేందుకు గ్రీన్ సిగ్నల్ ఇచ్చింది. టీటీడీ కూడా ట్రయల్‌ రన్‌కు సిద్ధమైంది. ఈనెల 8 నుంచి టీటీడీ ఉద్యోగులు, స్థానికులతో మూడు రోజుల పాటూ ట్రయల్‌ రన్‌‌తో స్వామి వారిని దర్శించుకోనున్నారు. ఈ సమయంలో ఎదురయ్యే సమస్యల్ని గుర్తించి తర్వాత సాధారణ భక్తుల్ని అనుమతించేందుకు సిద్ధమవుతున్నారు. ఇలాంటి సమయంలో చిరుత సంచారం కలకలంరేపింది. అయితే భక్తుల సంచారం పెరిగితే అలికిడి ఉంటుందని.. వన్యప్రాణుల సంచారం తగ్గిపోతుందని అధికారులు భావిస్తున్నారు. లాక్‌డౌన్ సమయంలో కూడా శ్రీవారి మెట్టు మార్గంలో చిరుత కనిపించింది. అంతేకాదు కొన్ని జంతువులు కూడా సంచరించాయి.



Source link

Leave a Reply

Your email address will not be published. Required fields are marked *