Tirumala temple: TTD: నేటి నుంచి తిరుమల వెంకన్న దర్శనం.. నిబంధనలు ఇవే! – devotees allowed for tirumala venkateswara swamy darshan from today, here is deatials


కేంద్రం ఇచ్చిన లాక్‌డౌన్ సడలింపులతో నేటి నుంచి ఏపీలో ఆలయాలు తెరుచుకోనున్నాయి. తిరుమలతో పాటూ మరికొన్ని ఆలయాల్లోకి నేటి నుంచి భక్తుల్ని అనుమతిస్తున్నారు. అయితే భక్తులు తప్పకుండా భౌతిక దూరం, మాస్క్, శానిటైజేషన్ వంటి నిబంధనల్ని పాటించాల్సి ఉంటుంది. ఇక తిరుమల విషయానికి వస్తే ఇవాళ, రేపు టీటీడీ సిబ్బందితో స్వామి దర్శనానికి ట్రైయిల్ రన్ నిర్వహిస్తున్నారు.. ఈ నెల 10న స్థానిక భక్తులకు అవకాశం కల్పిస్తారు. ఈ నెల 11 నుంచి సాధారణ భక్తుల్ని అనుమతిస్తామన్నారు. ఆన్‌లైన్‌లో మూడు వేలమంది భక్తులకు అవకాశం కల్పిస్తారు.. మరో మూడు వేలమంది నేరుగా కౌంటర్‌లో సర్వదర్శనం టికెట్లు పొందొచ్చు.

భక్తులు ఆరు అడుగులు భౌతిక దూరం పాటిస్తూ మాస్కులు తప్పనిసరిగా ధరించాలి. 60 ఏళ్లు పైబడిన వాళ్లు, 10లోపు పిల్లలు ఆలయాలకు అనుమతించరు. రెడ్, కంటైన్మెంట్ జోన్స్ నుంచి భక్తులు దర్శనానికి రావొద్దు. ఉదయం 6.30 నుంచి సాయంత్రం 7.30 వరకు మాత్రమే దర్శనాలకు అనుమతి ఉంటుంది.. రాత్రి సమయంలో కర్ఫ్యూ అమల్లో ఉంటుంది కాబట్టి ఈ నిర్ణయం. వీఐపీలకు ఒక గంట మాత్రమే (ఉదయం 6.30 నుంచి 7.30 వరకు) బ్రేక్ దర్శనానికి అనుమతి ఇస్తారు.

ఇక ఉదయం 5 నుంచి సాయంత్రం నాలుగు వరకే అలిపిరి నడక మార్గంలో భక్తుల్ని అనుమతిస్తామని.. శ్రీవారి మెట్టు మార్గంలో భక్తుల్ని అనుమతించడం లేదన్నారు. ఘాట్‌ రోడ్డులో ఉదయం 5 గంటల నుంచి రాత్రి 8 గంటల వరకు మాత్రమే అనుమతి ఉంటుంది. అలిపిరి చెక్‌పోస్ట్ దగ్గర భక్తులు, టీటీడీ సిబ్బందికి థర్మల్ స్క్రీనింగ్ ఉంటుందని.. అలాగే ర్యాండమ్ శాంపిల్స్ తీసుకుంటారు.. వాహనాలను కూడా శానిటైజ్ చేస్తారు.

సరిబేసి సంఖ్యలో ఆన్‌లైన్‌లో గదులు బుక్ చేసుకునే అవకాశం ఉంటుంది.. గదికి ఇద్దర్ని మాత్రమే అనుమతిస్తారు. కళ్యాణ కట్ట, శ్రీవారి హుండీ, లడ్డూ కౌంటర్ల దగ్గర ప్రత్యేక ఏర్పాట్లు చేస్తారు.. శ్రీవారి దర్శనం తర్వాత శఠగోపం, తీర్థం ఉండవు.. పుష్కరణిలోకి భక్తులకు అనుమతి ఉండదు. గ్రామీణ ప్రాంతాల్లో భక్తులకు వాలంటీర్ల ద్వారా దర్శనానికి టికెట్లు బుక్ చేసుకునే అవకాశం ఉంది.



Source link

Leave a Reply

Your email address will not be published. Required fields are marked *