Tirumala temple: TTD: శ్రీవారి భక్తులకు శుభవార్త.. ఆ రోజు నుంచే దర్శనానికి అనుమతి! – devotees allowed to tirumala after trial run, says ttd trust board chairman yv subba reddy


తిరుమల వెంకన్న దర్శనం కోసం ఎప్పుడా అని ఎదురు చూస్తున్న భక్తులకు జగన్ సర్కార్ శుభవార్త చెప్పింది. దర్శనానికి భక్తుల్ని అనుమతించొచ్చని టీటీడీకి గ్రీన్ సిగ్నల్ ఇచ్చింది. అయితే దర్శనానికి భక్తుల్ని ఎప్పటి నుంచి అనుమతిస్తారో కూడా దాదాపు క్లారిటీ వచ్చేసింది. ఈ అంశంపై టీటీడీ ఛైర్మన్ వైవీ సుబ్బారెడ్డి స్పష్టత ఇచ్చారు. శ్రీవారి దర్శనానికి ఈ నెల 8 నుంచి ట్రయల్ రన్‌‌ నిర్వహించనున్నట్లు వైవీ సుబ్బారెడ్డి తెలిపారు. మూడు రోజుల పాటు భౌతిక దూరం పాటిస్తూ టీటీడీ ఉద్యోగులు, స్థానికులను శ్రీవారి దర్శనానికి అనుమతిస్తామన్నారు. ఆ తర్వాత అధికారుల సూచనల మేరకు శ్రీవారి దర్శనానికి భక్తులకు అవకాశం కల్పిస్తామన్నారు. పరిస్థితులు అనుకూలిస్తే ఈ నెల 10 లేదా 11 నుంచి సాధారణ భక్తులను అనుమతించే అవకాశం ఉన్నట్లు తెలుస్తోంది.

ఆన్‌లైన్‌లో టికెట్స్‌ బుక్‌ చేసుకున్నవారికి కూడా శ్రీవారి దర్శనానికి అనుమతిస్తామని వైవీ సుబ్బారెడ్డి చెప్పారు. భక్తులకు అలిపిరి వద్ద ప్రత్యేక కౌంటర్లు ఏర్పాటు చేసి వద్ద థర్మల్‌ స్క్రీనింగ్‌ తర్వాతే తిరుమలకు అనుమతిస్తామన్నారు. కరోనా వ్యాప్తి ఉంది కాబట్టి తిరుమల శ్రీవారి పుష్కరిణిలో భక్తుల స్నానానికి అనమతి లేదని.. ప్రతి భక్తుడు కరోనాపై కేంద్రం సూచించిన మార్గదర్శకాలు పాటించాలన్నారు. ప్రతి భక్తుడు శానిటైజేషన్‌ చేసుకోవడంతో పాటుగా, భౌతిక దూరం పాటించాలని సూచించారు.

టీటీడీ కూడా భక్తుల కోసం కొన్ని ప్రత్యేక ఏర్పాట్లు చేస్తోంది. రోజుకు 8వేల నుంచి 10వేల మంది భక్తుల వరకు శ్రీవారి దర్శనం కల్పించాలని భావిస్తున్నారు. క్యూలైన్, లడ్డూ ప్రసాద విక్రయ కేంద్రంలో భక్తులు ఆరు అడుగుల భౌతిక దూరం పాటించేలా జాగ్రత్తలు తీసుకుంటున్నారు. అన్నప్రసాద కేంద్రం, తలనీలాలు సమర్పించే కల్యాణకట్టలో కరోనా నివారణ చర్యలు చేపట్టారు. అలిపిరి నుంచి ప్రతి భక్తుడూ తప్పనిసరిగా మాస్కులు ధరించాలి. సర్వదర్శనాలకు ఆన్‌లైన్‌లో నమోదు చేసుకోవాలి.. అలిపిరి, మెట్ల మార్గంలో ఆన్‌లైన్‌ రిజిస్ట్రేషన్‌ కేంద్రాలు ఏర్పాటు చేస్తారు.



Source link

Leave a Reply

Your email address will not be published. Required fields are marked *