Tokyo Olympics : టోక్యో ఒలింపిక్స్ 2021 కొత్త తేదీల ఖరారు – tokyo olympics will be held from july 23, 2021


క‌రోనా వైర‌స్ ప్ర‌పంచ‌వ్యాప్తంగా విస్త‌రిస్తున్న‌వేళ ప్ర‌తిష్టాత్మక ఒలింపిక్స్ క్రీడల‌ను వ‌చ్చే ఏడాదికి వాయిదా వేసిన సంగ‌తి తెలిసిందే. తాజాగా నిర్వాహ‌కులు వ‌చ్చే ఏడాది ఒలింపిక్స్ ఎప్ప‌టి నుంచి ప్రారంభ‌మ‌వుతాయో ప్ర‌క‌టించారు. 2021, జూలై 23 నుంచి ఆగ‌స్టు 8 వ‌ర‌కు ఈ క్రీడ‌లు జ‌రుగుతాయ‌ని నిర్వాహ‌కులు ప్ర‌క‌టించారు. అలాగే పారాలింపిక్స్ క్రీడ‌లు వ‌చ్చే ఏడాది ఆగ‌స్టు 24 నుంచి సెప్టెంబ‌ర్ ఐదు వ‌రకు జ‌రుగుతాయ‌ని టోక్యో ఒలింపిక్స్ చీఫ్ యోషిరో మోరీ తెలిపారు.


Read Also: విరాళాలను ప్రశ్నిస్తున్నవారిపై క్రికెటర్ ఫైర్


నిజానికి జ‌పాన్ రాజ‌ధాని టోక్యోలో వ‌చ్చే జూలై 24 నుంచి ఒలింపిక్స్‌ను జ‌రిపేందుకు అన్ని ఏర్పాటు చేశారు. అయితే రోజురోజుకు క‌రోనా వైర‌స్ విస్త‌రిస్తుండ‌టంతోపాటు, అనేక క్రీడా సంఘాలు, ప్లేయ‌ర్ల నుంచి వ‌చ్చిన డిమాండ్ల‌ను ప‌రిగ‌ణ‌న‌లోకి తీసుకుని టోర్నీని వాయిదా వేసిన‌ట్లు తెలుస్తోంది. అయితే వ‌చ్చే ఏడాది ఒలింపిక్స్ నిర్వ‌హించడం క‌ఠిన‌మైన స‌వాలేన‌ని నిర్వాహ‌కులు పేర్కొన్నారు.

Read Also: ఇంగ్లాండ్ క్రికెట‌ర్ డ్రీమ్ లెవ‌న్‌లో స‌చిన్‌


ప్ర‌పంచ‌లోని దాదాపు అన్ని దేశాలు పాల్గొనే ఈ క్రీడ‌ల‌ను నిర్వ‌హించ‌డం అంత ఆషామాషీ కాదు. టోక్యో ఎడిష‌న్ కోస‌మే 12.6 బిలియ‌న్ డాల‌ర్ల మొత్తాన్నీ అంచ‌నా వేశారు. ఇప్ప‌టికే ఈ మొత్తానికి అద‌నంగా నిధులు ఖ‌ర్చ‌యిన‌ట్లు తెలుస్తోంది. ఇక వ‌చ్చే ఏడాది వ‌ర‌కు ఏర్పాట్లను పూర్తి చేయ‌డం, నిర్వ‌హ‌ణ ఖ‌ర్చులతో ఈ ఖర్చు త‌డిసిమోప‌య్యే అవ‌కాశ‌ముంది.





Source link

Leave a Reply

Your email address will not be published. Required fields are marked *