Tokyo Olympics: విదేశాల్లో భారత్ అథ్లెట్స్ ట్రైనింగ్‌పై ఆంక్షలు – tokyo 2020 olympics: no foreign training for indian athletes till the end of this year


కరోనా వైరస్ కారణంగా ఈ ఏడాది జులైలో జరగాల్సిన టోక్యో ఒలింపిక్స్ వచ్చే ఏడాదికి వాయిదాపడటంతో నిరాశలో ఉన్న భారత అథ్లెట్స్‌కి మరో షాక్ తగిలింది. ఒలింపిక్స్‌ సన్నద్ధత కోసం విదేశాలకి వెళ్లాలనే అథ్లెట్స్‌కి డిసెంబరు ఆఖరు వరకూ అనుమతిని రద్దు చేశారు. దీంతో.. ఇప్పటికే ఒలింపిక్స్‌కి అర్హత సాధించిన, ఇంకా అర్హత సాధించాల్సిన అథ్లెట్స్‌‌‌ ఈ ఏడాది ఆఖరి వరకూ భారత్‌లోనే ప్రాక్టీస్ చేయనున్నారు.

అథ్లెట్స్‌ని విదేశాలకి ట్రైనింగ్ కోసం పంపడంపై ఇండియన్ ఒలింపిక్ అసోషియేషన్ (ఐఓసీ), నేషనల్ స్పోర్ట్స్ ఫెడరేషన్స్ (ఎన్‌ఎస్ఎఫ్) మధ్య తాజాగా సుదీర్ఘ చర్చ జరిగింది. ఈ క్రమంలో విదేశాల్లోనూ కరోనా తాకిడి ఉండటంతో అథ్లెట్స్‌ని ఎవరినీ డిసెంబరు ఆఖరి వరకూ భారత్ వెలుపలికి పంపకూడదని నిర్ణయించారు. 2021, జులై- ఆగస్టులో టోక్యో వేదికగా ఒలింపిక్స్ జరగనున్నాయి.

భారత్‌లో గురువారం( ఏప్రిల్ 23) ఉదయానికి కరోనా వైరస్ పాజిటివ్ కేసుల సంఖ్య 21,452కి చేరుకోగా.. 681 మంది మరణించారు. ఇక అగ్రశ్రేణి దేశాలైనా అమెరికా, బ్రిటన్‌లో అయితే పరిస్థితి మరీ ఘోరంగా ఉంది. ఈ నేపథ్యంలో.. అథ్లెట్స్‌ని విదేశాలకి పంపడం సురక్షితంకాదని ఇండియన్ ఒలింపిక్ అసోషియేషన్ భావిస్తోంది.



Source link

Leave a Reply

Your email address will not be published. Required fields are marked *