Train cancel: రైల్వే ప్రయాణికులకు భారీ షాక్: ట్రైన్స్ అన్ని రద్దు.. డబ్బులు వెనక్కి! – indian railway cancels all regular passenger trains till june 30, passengers to get full refund


ప్రధానాంశాలు:

  • అన్ని ప్యాసింజర్ ట్రైన్స్ రద్దు
  • ప్రయాణికులకు టికెట్ డబ్బులు వెనక్కి
  • రైల్వే శాఖ తాజా నిర్ణయం

ట్రైన్ ప్యాసింజర్లకు ఝలక్. రైల్వే మంత్రిత్వ శాఖ కీలక నిర్ణయం తీసుకుంది. రెగ్యులర్ ప్యాసింజర్ ట్రైన్స్‌ను రద్దు చేసింది. జూన్ 30 వరకు ఈ ట్రైన్స్ తిరగవు. అయితే స్పెషల్ ట్రైన్స్, శ్రామిక్ ట్రైన్స్ మాత్రం యథావిథిగానే పట్టాలపై పరుగులు పట్టనున్నాయి. రైల్వే శాఖ తాజాగా ట్రైన్ టికెట్ క్యాన్సల్ రూల్స్‌ను కూడా జారీ చేసింది. జూన్ 30 వరకు టికెట్లను బుక్ చేసుకున్న ప్యాసింజర్లకు టికెట్ డబ్బులు రిఫండ్ చేస్తామని ప్రకటించింది.

ట్రైన్ టికెట్ల క్యాన్సల్ విషయానికి వస్తే.. పీఎస్ఆర్ కౌంటర్ టికెట్లు కలిగిన ప్యాసింజర్లు ఆరు నెలలలోగా టికెట్లను సమర్పించి డబ్బులు తీసుకోవచ్చు. అదే ఇ-టికెట్ల విషయానికి వస్తే.. ఆటోమేటిక్‌గానే టికెట్ డబ్బులు ప్యాసింజర్ల బ్యాంక్ ఖాతాలో జమవుతాయని ఇండియన్ రైల్వేస్ తెలిపింది. క్యాన్సల్ కానీ ట్రైన్స్ విషయానికి వస్తే.. ప్రత్యేక పరిస్థితుల కారణంగా ప్యాసింజర్లు ప్రయాణించలేకపోతే వారికి కూడా టికెట్ డబ్బులు రిఫండ్ చేస్తామని పేర్కొంది.

Also Read: గుడ్ న్యూస్.. దిగొచ్చిన బంగారం ధర.. వెండి వెలవెల.. లేటెస్ట్ రేట్లు ఇలా!

పీఎస్ఆర్ కౌంటర్ టికెట్ డబ్బులు వెనక్కి పొందాలంటే ప్యాసింజర్లు టీడీఆర్ ఫైల్ చేయాల్సి ఉంటుంది. ఈ టీడీఆర్‌ను వచ్చే 60 రోజుల్లోగా రైల్వే అధికారులకు (చీఫ్ క్లెయిమ్స్ ఆఫీసర్ లేదా సీసీఎం రిఫండ్ ఆఫీసర్) సమర్పించాలి. లేదంటే ప్యాసింజర్లు 139కు కాల్ చేసి పీఎస్ఆర్ టికెట్లను రద్దు చేసుకోవచ్చు. మార్చి 21 నుంచి జర్నీ ప్లాన్ చేసుకున్న వారికి ఈ తాజా రూల్స్ వర్తిస్తాయి.

మరోవైపు ఐఆర్‌సీటీసీ కూడా తన తేజాస్ ఎక్స్‌ప్రెస్ ట్రైన్స్‌ను ఇప్పట్లో నడిపేలా లేదు. తేజాస్ ట్రైన్స్ నడిచే మార్గంలో కరోనా వైరస్ హాట్‌స్పాట్స్ ఉన్నాయి. అందువల్ల ఐఆర్‌సీటీసీ ఈ నెలలో అయితే ఈ ప్రైవేట్ ట్రైన్స్‌ను నడిపే అవకాశం లేదని విశ్వసనీయ వర్గాలు పేర్కొంటున్నాయి. అంతేకాకుండా కేంద్ర ప్రభుత్వం కూడా ప్రైవేట్ ట్రైన్స్ నడిపేందుకు అనుమతులు ఇవ్వలేదు.



Source link

Leave a Reply

Your email address will not be published. Required fields are marked *