train ticket booking: రైల్వే కౌంటర్లలోనూ టికెట్ల విక్రయం.. కేంద్రం మరో గుడ్ న్యూస్ – train ticket bookings to open at 1.7 lakh common service centres from may 22


జూన్ 1 నుంచి రైళ్లను నడపనున్నట్లు ప్రకటించిన కేంద్ర ప్రభుత్వం ఆ దిశగా మరో శుభవార్త అందించింది. రైల్వే స్టేషన్లలో టికెట్ బుకింగ్ కౌంటర్లను తిరిగి ప్రారంభించనున్నట్లు వెల్లడించింది. రైలు టికెట్ల కోసం గురువారం (మే 21) ఉదయం 10 గంటల నుంచి ఆన్‌లైన్ బుకింగ్స్ ప్రారంభించిన సంగతి తెలిసిందే. శుక్రవారం ఉదయం నుంచి కామన్ సర్వీస్ సెంటర్లలోనూ టికెట్లు బుక్ చేసుకునే సదుపాయం కల్పిస్తున్నామని రైల్వే మంత్రి పీయూష్ గోయల్ తెలిపారు. రెండు, మూడు రోజుల్లో రైల్వే కౌంటర్లలోనూ టికెట్ల విక్రయం ప్రారంభిస్తామని ఆయన తీపి కబురు అందించారు.

అయితే.. కరోనా వైరస్ వ్యాప్తి నేపథ్యంలో ఎంపిక చేసిన రైల్వే కౌంటర్లలోనే ఈ సేవలు అందుబాటులోకి తీసుకురానున్నట్లు మంత్రి సంకేతం ఇచ్చారు. పూర్తి వివరాలు త్వరలో వెల్లడిస్తామని చెప్పారు. క్రమంగా రైళ్ల సంఖ్యను పెంచే ఆలోచనలో ఉన్నట్లు మంత్రి పీయూష్ గోయల్ తెలిపారు. శుక్రవారం నుంచి దేశవ్యాప్తంగా 1.7 లక్షల కామన్ రైల్వే సెంటర్లలో టికెట్ల విక్రయం ప్రారంభించనున్నట్లు ఆయన వెల్లడించారు.

రైల్వే స్టేషన్లలో దుకాణాలు తెరుచుకోవడానికి అనుమతి ఇచ్చినట్లు మంత్రి వెల్లడించారు. అయితే.. టేక్ అవేకు సంబంధించిన దుకాణాలకే పర్మిషన్ ఇచ్చినట్లు వివరించారు. ప్రయాణికులకు ఆహారానికి ఇబ్బంది లేకుండా టిఫిన్ సెంటర్లు, ఫుడ్ కోర్టులకు పార్శిల్ (టేక్ అవే) సర్వీసులకు వెసులుబాటు కల్పించినట్లు తెలుస్తోంది.

ఆన్‌లైన్‌లో రైలు టికెట్లు హాట్ కేకుల్లా అమ్ముడవుతున్నాయి. టికెట్ల విక్రయం ప్రారంభించిన తొలి రెండు గంటల్లోనే 1.5 లక్షల టికెట్లు అమ్ముడయ్యాయి. చాలా రైళ్లలో వెయింటింగ్ లిస్టులోకి వెళ్లిపోయాయి. అయితే.. ఆన్‌లైన్ సదుపాయం ద్వారా టికెట్లు కొనలేని ప్రయాణికులు ఇబ్బందులు పడుతున్నారు. ఈ నేపథ్యంలో రైల్వే కౌంటర్లలో ఈ సదుపాయం కల్పించడానికి రైల్వే శాఖ నిర్ణయించింది.

Also Read:నేపాల్‌కు భారత్ వార్నింగ్.. మధ్యలో చైనా, ఏమిటీ వివాదం?



Source link

Leave a Reply

Your email address will not be published. Required fields are marked *