trains online booking: రైల్వే టికెట్ల ఆన్‌లైన్ బుకింగ్ నేటి నుంచే ప్రారంభం – indian railways online booking commence from 21st may 10 am


జూన్ 1 నుంచి రైలు సేవలను ప్రారంభిస్తున్నట్లు ప్రకటించిన రైల్వే శాఖ తాజాగా వివిధ రూట్లలో నడిపే 200 రైళ్లకు సంబంధించిన జాబితాను విడుదల చేసింది. వీటిలో దురంతో, జనశతాబ్ది రైళ్లు సహా 100 రైళ్లు ఉన్నాయి. ఈ రైళ్లకు సంబంధించిన ఆన్‌లైన్ టికెట్ బుకింగ్స్ గురువారం (మే 21) ఉదయం 10 గంటల నుంచి ప్రారంభించనున్నట్లు తెలిపింది. కేంద్ర వైద్య, ఆరోగ్య శాఖతో సంప్రదింపులు జరిపిన తర్వాత జూన్ 1 నుంచి క్రమంగా రైళ్లను పున:ప్రారంభించడానికి నిర్ణయం తీసుకున్నట్లు రైల్వే శాఖ వెల్లడించింది.

రైలు టికెట్లు ఆన్‌లైన్‌లో మాత్రమే అందుబాటులో ఉంటాయని.. స్టేషన్లలో బుకింగ్‌ కౌంటర్స్‌ తెరుచుకోవని రైల్వే శాఖ తెలిపింది. కేవలం రిజర్వేషన్‌ చేయించుకున్న ప్రయాణికులనే స్టేషన్‌లోకి అనుమతిస్తారని స్పష్టం చేసింది. 30 రోజుల వరకు అడ్వాన్స్‌ బుకింగ్‌ చేసుకునే వెసులుబాటు కల్పించారు. ప్రయాణికుల నుంచి రెండో తరగతి ఛార్జీలను వసూలు చేయనున్నారు.

తాజా నిబంధనల ప్రకారం జనరల్‌ కేటగిరీలో ఉన్న సీట్లకు కూడా రిజర్వేషన్‌ ఉన్నవారికే అనుమతిస్తాన్నారు. ఏసీ, నాన్‌ ఏసీ, జనరల్‌ క్లాస్‌ బెర్తులు ఉంటాయని రైల్వే శాఖ తెలిపింది. రోజువారీ తిరిగే రైళ్లయినప్పటికీ వీటిని ప్రత్యేక రైళ్లుగా పరిగణిస్తున్నారు.

రైల్వే శాఖ విడుదల చేసిన జాబితాలో సికింద్రాబాద్ – నిజాముద్దీన్ దురంతో ఎక్స్‌ప్రెస్‌, విశాఖపట్నం – న్యూఢిల్లీ ఏపీ ఎక్స్‌ప్రెస్, ఢిల్లీ – హైదరాబాద్ తెలంగాణ ఎక్స్‌ప్రెస్, హైదరాబాద్‌ – విశాఖపట్నం గోదావరి ఎక్స్‌ప్రెస్, ముంబై – భువనేశ్వర్ కోణార్క్ ఎక్స్‌ప్రెస్, గుంటూరు – సికింద్రాబాద్ గోల్కొండ ఎక్స్‌ప్రెస్‌, హౌరా – సికింద్రాబాద్ ఫలక్‌నుమా ఎక్స్‌ప్రెస్ తదితర రైళ్లు ఉన్నాయి.

ప్రత్యేక రైళ్ల పూర్తి జాబితా:

Also Read: వలస కూలీకి రైల్లోనే పురిటినొప్పులు.. ప్లాట్‌ఫాం ఆస్పత్రిగా మారగా పండంటి బిడ్డ

లాక్‌డౌన్‌తో నిలిచిపోయిన రైళ్లు జూన్ 1 నుంచి తిరిగి పట్టాలపై పరుగులు పెట్టనున్నాయి. జూన్‌ 1 నుంచి రోజుకు 200 రైళ్లను నడపనున్నట్లు రైల్వే శాఖ మంత్రి పీయూష్ గోయల్ మంగళవారం ప్రకటించారు. ప్రస్తుతానికి నాన్ ఏసీ రైళ్లను మాత్రమే నడపడానికి నిర్ణయం తీసుకున్నట్లు తెలిపారు. వలస కార్మికుల కోసం నడిపే 200 శ్రామిక్‌ రైళ్లతో పాటు అదనంగా మరో 200 సాధారణ రైళ్లను నడపనున్నట్లు ఆయన తెలిపారు. వలస కార్మికుల తరలింపు కోసం మరిన్ని రైళ్లను కేటాయించనున్నట్లు చెప్పారు.

Must Read:కరోనా సంక్షోభ సమయంలో భారత్‌కు WHO‌లో కీలక పదవి



Source link

Leave a Reply

Your email address will not be published. Required fields are marked *