ttd lands sale: మీ అబ్బాయి గురించేనా మాట్లాడేది సుబ్బారెడ్డిగారు: వీడియో ట్వీట్ చేసిన మాజీ మంత్రి – tdp targets yv subba reddy with a video on ttd land sales issue


టీటీడీ భూముల అమ్మకంపై ఏపీలో రాజకీయ దుమారం రేగింది. ఈ నిర్ణయాన్ని ప్రతిపక్షాలు తప్పుబడుతున్నాయి.. స్వామివారి ఆస్తుల్ని అమ్మకానికి పెట్టడం దారుణమన్నారు.. వెంటనే ఈ నిర్ణయాన్ని వెనక్కు తీసుకోవాలని డిమాండ్ చేస్తున్నాయి. ఇదిలా ఉంటే టీటీడీ ఛైర్మన్ వైవీ సుబ్బారెడ్డి పాత వీడియోతో టీడీపీ జగన్ సర్కార్‌ను టార్గెట్ చేసింది. టీటీడీ ఛైర్మన్ గతంలో చేసిన వ్యాఖ్యలకు సీఎం జగన్ సమాధానం చెప్పాలని డిమాండ్ చేశారు మాజీ మంత్రి దేవినేని ఉమామహేశ్వరరావు.

దేవుడి ఆస్తులను పరిరక్షించాల్సింది ముఖ్యమంత్రి ఆధ్వర్యంలో ఉన్న ప్రభుత్వం అన్నారు దేవినేని ఉమా. భూములు అమ్ముకోవాల్సిన అవసరం ప్రభుత్వానికి ఏమొచ్చిందని ప్రశ్నించారు. రాష్ట్రంలోని ప్రజల ఆస్తులను దేవుడి ఆస్తులను మింగేస్తున్న వారు రక్షకులా! భక్షకులా! అన్న మీ బాబాయి మాటలకు ప్రజలకు సమాధానం చెప్పండి ముఖ్యమంత్రి జగన్ గారు అంటూ ట్వీట్ చేశారు.

మాజీ ఎమ్మెల్యే బొండా ఉమా కూడా ఈ వీడియోను పోస్ట్ చేశార. ‘అయ్యా వైవీ సుబ్బారెడ్డి గారు.. నాడు మీరు చెప్పిందే.. దేవుడి సొమ్మునే కాజెయ్యాలి దేవుడినే మింగేయ్యాలి అనే దుర్బుద్ధి నేడు మీకు మీ ప్రభుత్వానికి కలిగింది.అందుకే మీరు నేడు భూములు అమ్మేందుకు పావులు కదుపుతున్నారు. కచ్చితంగా ఆ ఏడుకొండల వాడు మిమ్మల్ని మీ ప్రభుత్వాన్ని క్షమించడు.మీరు తగిన మూల్యం చెల్లించుకోక తప్పదు’అన్నారు.
Please Vote: పోల్: జగన్ ఏడాది పాలన ఎలా ఉంది?



Source link

Leave a Reply

Your email address will not be published. Required fields are marked *