tuni father suicide: కూతురు ప్రేమ పెళ్లి.. మనస్తాపంతో తండ్రి ఆత్మహత్య.. కన్నీరు పెట్టిస్తున్న వీడియో – man commits suicide east godavari over daughter love marriage


కూతురు ప్రేమ వివాహం ఓ తండ్రి ప్రాణాలను బలిగొన్న విషాద ఘటన తూర్పుగోదావరి జిల్లాలో చోటుచేసుకుంది. ఎంతో గారాబంగా పెంచుకున్న తన కూతురిని ఓ యువకుడు ప్రేమ పేరుతో లోబరుచుకుని ఇంటి నుంచి తీసుకెళ్లి పెళ్లి చేసుకున్నాడన్న మనస్తాపంతో యువతి తండ్రి ఉరేసుకుని బలవన్మరణానికి పాల్పడ్డాడు. ఈ ఘటన తుని మండలంలోని కుమ్మరిలోవలో శుక్రవారం జరిగింది. కుమ్మరిలోవ గ్రామానికి చెందిన బాలిక(16)ను అదే గ్రామానికి చెందిన యువకుడు(18) ప్రేమ పేరుతో లోబరుచుకున్నాడు. కొద్దిరోజుల క్రితం ఆమెను తీసుకుపోయి పెళ్లి చేసుకున్నాడు. బాలిక కుటుంబసభ్యులు వారిని వెతికి పట్టుకుని ఆమెను ఇంటికి తీసుకొచ్చారు.

Also Read: ఆరుబయట నిద్రపోతున్న బాలికపై అత్యాచారం.. హైదరాబాద్‌లో దారుణం

శుక్రవారం యువకుడి తల్లి, చెల్లి బాలిక ఇంటికి వచ్చి ఆమె తండ్రి దుర్భాషలాడారు. నీ కూతురే నా కొడుకును వలలో వేసుకుని తీసుకుపోయిదంటూ అసహ్యంగా మాట్లాడారు. దీంతో మనస్తాపానికి గురైన ఆయన గ్రామ శివారులోని మామిడితోటలో చెట్టుకు ఉరేసుకుని ఆత్మహత్య చేసుకున్నాడు. ఈ ఘటనపై సమాచారం అందుకున్న పోలీసులు మృతదేహాన్ని పోస్టుమార్టు నిమిత్తం తుని ప్రాంతీయ ఆసుపత్రికి తరలించారు. బాలిక కుటుంబసభ్యుల ఫిర్యాదుతో కేసు నమోదు చేసి దర్యాప్తు చేపట్టారు. బాలిక తండ్రి ఆత్మహత్యకు ముందు ఓ వీడియో రికార్డు చేసి బంధువులకు, స్నేహితులకు పంపించాడు. తన కూతురిని కాపాడాలంటూ ఆ వీడియోలో వేడుకోవడం అందరినీ కంటతడి పెట్టించింది.

Also Read: ప్రేమోన్మాది పైశాచికం.. ప్రియురాలిపై కత్తితో దాడి, విషం తాగి ఆత్మహత్య



Source link

Leave a Reply

Your email address will not be published. Required fields are marked *