Uber: Uber:ఉబర్ కొత్త రూల్స్… మాస్క్ తొలగిస్తే ట్రిప్ రద్దు – uber resume services in more cities here is new guide lines


కరోనా వైరస్ కారణంగా దేశవ్యాప్తంగా లాక్ డౌన్ నడుస్తున్న విషయం తెలిసిందే. ప్రజా రవాణాకు సంబంధించిన అన్ని రకాల సర్వీసులపై కేంద్ర రాష్ట్ర ప్రభుత్వాలు నిషేధం విధించాయి. విమానాలు, రైళ్లు, బస్సులు, కార్లు, ఆటోలు, క్యాబ్స్ ఎలా ఏ రకమైన వాహన సేవలు అందుబాటులో లేకుండా పోయాయి. అయితే .. లాక్ డౌన్ సడలింపుల్లో భాగంగా విడతల వారీగా పలు అంశాలకు మినహాయింపులు ఇస్తూ వస్తున్నారు. తాజాగా ప్రముఖ క్యాబ్ సర్వీస్ సంస్థ ఉబర్ డ్రైవ్‌కు అనుమతులు కల్పించారు. దీంతో
ఆ సంస్థ తమ క్యాబ్‌లో ప్రయాణించేవారికి కొన్ని నియమాలు తప్పనిసరి చేసింది. ప్రయాణికులతో పాటు, డ్రైవర్ల భద్రతను దృష్టిలో పెట్టుకొని పలు కీలక నిర్ణయాలు తీసుకుంది.

ఇక నుంచి యాబర్‌లోకి లాగిన్ అవుతున్నప్పుడు, డ్రైవర్ మాస్క్ ధరంచి ఉండాలి. అలా ధరంచిన తర్వాతన తన ముఖాన్ని స్కాన్ చేసి యాప్‌లోకి ఎంట్రీ అవ్వాలి. అప్పుడే అతను ఉబర్‌ యాప్‌లోకి లాగిన్ అవ్వగలడని ఉబెర్ గ్లోబల్ సీనియర్ డైరెక్టర్ (సేఫ్టీ ప్రొడక్ట్ మేనేజ్‌మెంట్) సచిన్ కన్సల్ తెలిపారు. డ్రైవర్ మాస్క్ ధరించి ఉన్నానని తనకు ఎలాంటి కరోనా లక్షణాలు లేవని ధృవీకరించాలి. ప్రతి ట్రిప్ తరువాత అతను వాహనాన్ని శుభ్రం చేయాలి. అంతేకాకుండా క్రమం తప్పకుండా అతను చేతులు కూడా శానిటైజ్ చేసుకోవాలి. డ్రైవర్ ఈ నియమాలను పాటించకపోతే అతడ్ని తొలగించవచ్చు.

ఇక ట్రిప్ బుకింగ్ విషయంలో డ్రైవర్‌తో పాటు ప్రయాణికుడు కూడా కొన్ని నియమాలు తప్పకుండా పాటించాలి. ఇకపై ప్రయాణీకుడు క్యాబ్‌ను బుక్ చేసినప్పుడు, యాప్‌లో కొత్త మార్గదర్శకాల పేజీ ముందు తెరుచుకుంటుంది. దీనిలో అతడు ప్రయాణ సమయంలో పాటించల్సిన కొన్ని టిప్స్ ఇవ్వబడతాయి. దీని ప్రకారం ప్రయాణికుడు కూడా మాస్క్ తప్పకుండా ధరించాల్సి ఉంటుంది. క్యాబ్‌లో కూర్చనే ముందు తన చేతుల్ని శానిటైజ్ చేసుకోవాలి. సామాజిక దూరం పాటిస్తూ… కేవలం వెనుక సీట్లోనే మాత్రమే కూర్చోవాలి.

క్యాబ్‌లో డ్రైవర్ తో పాటు మరో ఇద్దరు ప్రయాణించడానికి మాత్రమే అనుమతి. ఎవరి లగేజ్ వారే హ్యాండిల్ చేసుకోవాలి. క్యాబ్ లో ఏసీ వాడకపోవడమే మంచిది. ఒకవేళ వినియోగించినా దాన్ని ఫ్రెష్ ఎయిర్ మోడ్‌లో మాత్రమే ఉంచాలి. పైన చెప్పిన రూల్స్ అన్నింటికి ఓకే అన్నాకే.. ఎవరైనా సరే ఉబర్‌లో ప్రయాణించగలరు. ట్రిప్ బుక్ అయిన తర్వాత డ్రైవర్ లేదా రైడర్ ముసుగును తొలగిస్తే, వారి భద్రతను నిర్ధారించడానికి వారిలో ఎవరైనా ట్రిప్‌ను రద్దు చేయవచ్చు.



Source link

Leave a Reply

Your email address will not be published. Required fields are marked *