Umar Akmal: ఉమర్ అక్మల్ నిషేధంపై ఈ నెల 11న విచారణ – pakistan wicket-keeper batsman umar akmal’s appeal against ban to be heard on june 11


పాకిస్థాన్ వివాదాస్పద క్రికెటర్ ఉమర్ అక్మల్ నిషేధంపై ఈ నెల 11న విచారణ జరగనుంది. పాకిస్థాన్‌ గడ్డపై ఈ ఏడాది జరిగిన పాకిస్థాన్ సూపల్ లీగ్ (పీఎస్‌ఎల్)లో ఫిక్సింగ్ కోసం బుకీలు.. ఉమర్ అక్మల్‌ని సంప్రదించగా.. ఆ విషయాన్ని పాకిస్థాన్ క్రికెట్ బోర్డు (పీసీబీ) వద్ద అతను దాచాడు. దాంతో.. క్రమశిక్షణ తప్పిన ఉమర్ అక్మల్‌పై ఆ టోర్నీకి ముందే చర్యలు తీసుకున్న పీసీబీ.. ఏప్రిల్ 27న మూడేళ్ల నిషేధం విధిస్తూ నిర్ణయం తీసుకుంది.

బుకీలు సంప్రదించిన విషయాన్ని దాచినందుకు మూడేళ్లు నిషేధమా..? ఇది చాలా కఠినమైన శిక్ష అంటూ ఉమర్ అక్మల్ సోదరుడు కమ్రాన్ అక్మల్‌తో పాటు పాకిస్థాన్ మాజీ క్రికెటర్లు కొందరు విమర్శలు గుప్పించారు. దాంతో.. ఆ నిషేధంపై ఉమర్ అక్మల్ అప్పీల్‌కి వెళ్లగా.. జూన్ 11న సుప్రీంకోర్టు మాజీ న్యాయమూర్తి ఫకీర్ మహ్మద్ ఖోఖర్ ఆ అప్పీల్‌పై విచారణ చేపట్టనున్నట్లు పాకిస్థాన్ క్రికెట్ బోర్డు తాజాగా ప్రకటించింది. ఈ మేరకు ఉమర్ అక్మల్‌కి కూడా నోటీసులు పంపినట్లు పీసీబీ వెల్లడించింది.

పీఎస్‌ఎల్ టోర్నీకి ముందే ఫిక్సింగ్ వ్యవహారం వెలుగులోకి రావడంతో.. ఆ టోర్నీలో ఉమర్ అక్మల్‌ని పీసీబీ ఆడించలేదు. ఆ టోర్నీకి రెండు రోజుల ముందు ఉమర్‌ని సస్పెండ్ చేసిన పీసీబీ.. నోటీసులు జారీ చేసి వివరణ ఇవ్వాల్సిందిగా కోరింది. కానీ.. అతని నుంచి మాత్రం ఎలాంటి స్పందన రాలేదు. దాంతో.. పీసీబీ క్రమశిక్షణరాహిత్య చర్యల కింద శిక్షని మరింత కఠినంగా విధించింది.



Source link

Leave a Reply

Your email address will not be published. Required fields are marked *