un praises india : కోవిడ్‌పై పోరులో పలు దేశాలకు భారత్ సహాకారం.. ప్రశంసలు కురిపించిన ఐరాస – un secretary generla salutes nations like india for helping world fight covid-19


కంటికి కనిపించని శత్రువు కరోనా వైరస్‌తో ప్రపంచం మొత్తం పోరాటం చేస్తోందని, ఈ సందర్భంగా ఇతరులకు సహయం చేస్తున్న దేశాలకు సెల్యూట్ చేస్తున్నామని ఐక్యరాజ్యసమితి సెక్రెటరీ జనరల్ ఆంటోనియో గుటెర్రెస్ అన్నారు. ఇలాంటి క్లిష్ట సమయంలోనూ భారత్ లాంటి దేశాలు సహాయం చేయడం గొప్ప విషయమని కొనియాడాడు. కరోనా వైరస్ చికిత్సకు ఉపకరించే మలేరియా ఔషధం హైడ్రాక్సీక్లోరోక్విన్‌ను అమెరికా సహా మొత్తం 55 దేశాలకు భారత్ పంపుతోంది. ఈ నేపథ్యంలో ఐరాస సెక్రెటరీ జనరల్ వ్యాఖ్యలు చేయడం విశేషం.


Read Also: మందుబాబుల ‘రివర్స్ ఇంజినీరింగ్’.. కిక్ కోసం కొత్త ప్లాన్


కరోనా బాధితులకు హైడ్రాక్సీక్లోరోక్విన్ వాడటం వల్ల మంచి ఫలితాలు రావడంతో పలు దేశాలకు తమకు ఈ ఔషదాన్ని పంపాలని భారత్‌ను కోరుతున్నాయి. దీంతో మార్చి 25న వీటి ఎగుమతిపై విధించిన నిషేధాన్ని ఎత్తివేశారు. తొలుత న్యూయార్క్‌లోని 1,500 మంది కరోనా రోగులకు చికిత్సలో హైడ్రాక్సీక్లోరోక్విన్ వినియోగంతో వారు కోలుకున్నారు. దీంతో అమెరికా ఫుడ్ అండ్ డ్రగ్ అడ్మినిస్ట్రేషన్ దీని వినియోగానికి ఆమోదం తెలిపింది.

Read Also:
కరోనా లైవ్:కరోనాపై పోరాటానికి పాక్‌కు ఆమెరికా భారీ సాయం

వైరస్‌కు వ్యతిరేకంగా ప్రపంచం చేస్తున్న పోరాటానికి సంఘీభావం తెలిపిన ఐరాస సెక్రెటరీ జనరల్.. ఇతరులకు సహాయం చేయగలిగే స్థితిలో ఉన్న ప్రతి దేశం తనకు తోచిన సాయం చేయాలి.. అలా చేస్తున్న భారత్ లాంటి దేశాలకు వందనం చేస్తున్నామని ఐరాస ప్రధాని కార్యదర్శి అధికార ప్రతినిధి స్టీఫెన్ డ్యూజారిక్ వ్యాఖ్యానించారు. కరోనా వైరస్ పోరులో భాగంగా పలు దేశాలకు అవసరమైన మేర ఔషధాలను భారత్ సరఫరా చేస్తోందని, దీనిపై గుటెర్రెస్ స్పందన ఎలా ఉందన్న ప్రశ్నకు స్టీఫెన్ పై విధంగా స్పందించారు.

Read Also:
కర్నూలులో హైటెన్షన్: కరోనాతో మరో వ్యక్తి మృతి

మొత్తం 55 దేశాలకు హైడ్రాక్సీక్లోరోక్విన్ ఔషధాలను ఎగుమతి చేయడానికి భారత్ ముందుకొచ్చింది. ఇప్పటికే అమెరికా, బ్రెజిట్, మారిషస్, షీషెల్స్ లాంటి దేశాలకు ఔషధాలు చేరాయి. పొరుగు దేశాలపై అఫ్గనిస్థాన్, భూటాన్, బంగ్లాదేశ్, నేపాల్, మాల్దీవులు, మారిషస్, శ్రీలంక, మాయన్మార్‌కు ఔషధాలు పంపినట్టు విశ్వసనీయ వర్గాలు తెలిపాయి. మలేరియా ఔషధం హైడ్రాక్సీక్లోరోక్వీన్ మాత్రల ఎగుమతిపై నిషేధం సడలించడంపై ప్రధాని మోదీకి ట్రంప్ ట్విటర్ వేదికగా ధన్యవాదాలు తెలిపిన విషయం తెలిసిందే.





Source link

Leave a Reply

Your email address will not be published. Required fields are marked *