union cabinet decisions: రైతులు, పేదలకు గుడ్ న్యూస్.. కేంద్ర కేబినెట్ చరిత్రాత్మక నిర్ణయాలు – modi cabinet decisions for farmers, msmes, poor: key points


లాక్‌డౌన్‌తో వివిధ రంగాలు ఆర్థికంగా కుదేలైన వేళ కేంద్ర ప్రభుత్వం మరిన్ని చర్యలు తీసుకుంది. రైతులు, చిరు వ్యాపారులకు శుభవార్త అందిస్తూ.. కీలక నిర్ణయాలు తీసుకుంది. ప్రధాని నరేంద్ర మోదీ అధ్యక్షతను సోమవారం (జూన్ 1) జరిగిన కేంద్ర మంత్రివర్గ సమావేశంలో చరిత్రాత్మక నిర్ణయాలు తీసుకున్నట్లు మంత్రులు ప్రకాశ్ జవదేకర్, నితిన్ గడ్కరీ, నరేంద్ర తోమర్ తెలిపారు. ఆత్మ నిర్భర్ భారత్‌ పథకానికి రోడ్ మ్యాప్‌ రూపొందించామని చెప్పారు. కరోనా కారణంగా ఇబ్బందుల్లో కూరుకుపోయిన రైతులు, సూక్ష్మ, చిన్న, మధ్య తరహా పరిశ్రమలను ఆదుకోవాలని కేంద్ర కేబినెట్‌ నిర్ణయించినట్లు వెల్లడించారు. రైతులు, ఎంఎస్‌ఎంఈలపై ప్రధాన చర్చ జరిగిందని మంత్రులు తెలిపారు.

ఖరీఫ్‌కు సంబంధించి 14 పంటలకు మద్దతు ధర పెంచుతూ కేంద్ర కేబినెట్ నిర్ణయం తీసుకుంది. వరి మద్దతు ధరను రూ.53 పెంచినట్లు మంత్రి ప్రకాశ్ జవదేకర్ తెలిపారు. దీంతో క్వింటా వరి ధర రూ.1868కు పెరిగనుంది. క్వింటా పత్తికి మద్దతు ధర రూ. 260 పెంచుతూ కేంద్ర కేబినెట్ ఆమోదం తెలిపింది. దీంతో క్వింటా పత్తి ధర రూ.5515కు చేరింది. కేంద్ర కేబినెట్ తాజా నిర్ణయం ద్వారా రైతులకు సాగు వ్యయం కంటే 50 నుంచి 83 శాతం అధికంగా లభిస్తుందని కేంద్ర మంత్రులు వివరించారు.

ఎంఎస్‌ఎంఈల కోసం రూ.50 వేల కోట్లు కేటాయించినట్లు కేంద్ర మంత్రులు తెలిపారు. ఈ మొత్తాన్ని ఈక్విటీ పెట్టుబడులు పెట్టినట్లు తెలిపారు. దేశ ఆర్థిక వ్యవస్థ బలోపేతంలో రైతులు, ఎంఎస్‌ఎంఈలది కీలక పాత్ర అని పేర్కొన్నారు. రైతులను ఆదుకోవడానికి కిసాన్‌ క్రెడిట్‌ కార్డుల పథకం అమల్లోకి తెస్తున్నట్లు తెలిపారు. రైతులు తమ రుణాలను చెల్లించే గడువును ఆగస్టు‌ వరకు పొడిగిస్తూ కేంద్రం వెసులుబాటు కల్పించింది.

‘ఎంఎస్‌ఎంఈలను ఆదుకునేందుకు రూ.50 వేల కోట్లు ఈక్విటీ పెట్టుబడులకు అవకాశం కల్పిస్తున్నాం. ఎంఎస్ఎంఈ రంగానికి 20 వేల కోట్ల రూపాయల ప్యాకేజీ ప్రకటిస్తున్నాం. తద్వారా 2 లక్షల మందికి ప్రయోజనం చేకూరనుంది. ఎంఎస్ఎంఈ పరిశ్రమలకు మార్కెట్లో లిస్టింగ్ చేసే అవకాశం కల్పిస్తున్నాం. వీధి వ్యాపారులను ఆదుకునేందుకు రూ.10 వేల రుణం ఇవ్వాలని కేంద్ర కేబినెట్‌‌లో నిర్ణయం తీసుకున్నాం. దీని ద్వారా 50 లక్షల మంది వీధి వ్యాపారులకు లబ్ధి చేకూరనుంది’ అని ప్రకాశ్ జవదేకర్ తెలిపారు.

ఆర్థిక వ్యవస్థ బలోపేతంలో ఎంఎస్‌ఎంఈలది కీలక పాత్ర అని.. దేశ ప్రగతిలో ఎంఎస్‌ఎంఈలు ముఖ్య పాత్ర పోషించాల్సి ఉందని జవదేకర్‌ అభిప్రాయపడ్డారు. దేశవ్యాప్తంగా 6 కోట్లకు పైగా ఎంఎస్‌ఎంఈలు ఉన్నాయని తెలిపారు. ఎంఎస్‌ఎంఈల నిర్వచనం మరింత విస్తరించామని చెప్పారు. ఎంఎస్‌ఎంఈ డెవలప్‌మెంట్ యాక్ట్‌-2006కు 14 ఏళ్ల తర్వాత పలు సవరణలు చేయనున్నట్లు తెలిపారు.

Also Read:రైతుల కోసం త్వరలో కొత్త పథకం.. దేశమే ఆశ్చర్యపోతుంది: కేసీఆర్

Must Read:ICMR: కరోనాపై పనిచేస్తున్న శాస్త్రవేత్తకు వైరస్



Source link

Leave a Reply

Your email address will not be published. Required fields are marked *