union cabinet meet : ప్రధాని నివాసంలో రేపు కేంద్ర కేబినెట్ భేటీ – union cabinet to meet at pm’s home tomorrow


రేపు కేంద్ర మంత్రి వర్గం సమావేశం కానుంది. ప్రధానమంత్రి నరేంద్రమోదీ నివాసం ఢిల్లీలోని 7 లోక్ కల్యాణ్ మార్గ్‌లో బుధవారం సాయంత్రం కేంద్రమంత్రులు భేటీ కానున్నారు. ప్రధానంగా కరోనా వైరస్ గురించే ఈ సమవేశంలో కీలక చర్చ జరగనుంది. కోవిడ్-19 కేసులను నియంత్రించేందుకు మే 3 వరకు లాక్‌డౌన్ పొడిగిస్తున్నట్టు ప్రధాని మోదీ ఇవాళ ప్రకటించిన నేపథ్యంలో ఈ భేటీ మరింత ప్రాధాన్యత సంతరించుకుంది. అదేవిధంగా లాక్‌డౌన్ పొడిగింపు, దాని కారణంగా వివిధ రంగాలపై పడుతున్న ప్రభావం మొదలైన అంశాలపై కూడా క్యాబినెట్ భేటీలో చర్చించనున్నట్టు తెలిసింది.


ఇప్పటికే లాక్ డౌన్‌తో తీవ్ర ఆర్థిక సంక్షోభంలోకి భారత్ వెళ్తున్న విషయం తెలిసిందే. ఈ విషయాన్ని స్వయంగా మోదీ కూడా చెప్పారు. అయితే ఆర్థిక మాంద్యం కన్నా దేశ ప్రజల సంక్షేమమే ఇప్పుడు అత్యవసరం అన్నారు. దీంతో పాటు కరోనా ప్రభావం లేని ప్రదేశాల్లో ఈ నెల 20 నుంచి లాక్‌డౌన్‌ ఆంక్షలను సడలించనున్నట్టు కూడా ప్రధాని ఇవాళ తన ప్రసంగంలో సంకేతాలిచ్చారు. ఏప్రిల్ 20 తర్వాత కరోనా ఎఫెక్ట్ లేని ప్రాంతాల్లో లాక్ డౌన్ సడలిస్తామన్నారు. పెంచిన 19 రోజుల లాక్ డౌన్‌కు సంబంధించిన మార్గదర్శకాల్ని బుధవారం విడుదల చేస్తామన్నారు.

మరోవైపు ఒడిశా, పంజాబ్, మహారాష్ట్ర, తెలంగాణ, తమిళనాడు, పుదుచ్చేరి తదితర రాష్ట్రాలు ఇప్పటికే లాక్‌డౌన్‌ పొడిగిస్తున్నట్టు ప్రకటించాయి. ఇప్పటి వరకు దేశ వ్యాప్తంగా నమోదైన కొవిడ్-19 కేసుల సంఖ్య 10,363కు చేరినట్టు కేంద్ర ఆరోగ్య, కుటుంబ సంక్షేమ శాఖ వెల్లడించింది. వీరిలో 8,988 మంది వివిధ ఆస్పత్రుల్లో చికిత్స పొందుతుండగా.. 1,035 మంది కోలుకుని ఇళ్లకు వెళ్లినట్టు తెలిపింది. ఈ మహమ్మారి కారణంగా ఇప్పటి వరకు 339 మంది ప్రాణాలు కోల్పోయారు. అత్యధికంగా మహారాష్ట్రలో కేసులు నమోదుఅవుతున్నాయి. ఇప్పటివరకు ఆ రాష్ట్రంలో 2400కు పైగా కరోనా పాజిటివ్ కేసులు నమోదు అయ్యాయి.





Source link

Leave a Reply

Your email address will not be published. Required fields are marked *