Unlock 5 Guidelines: అన్‌లాక్-5: నవంబర్ 30 వరకు ఇవే నిబంధనలు.. – unlock 5 guidelines to continue till november 30


న్‌లాక్-5 అక్టోబర్ 31తో ముగుస్తున్న నేపథ్యంలో కేంద్రం తదుపరి ఉత్తర్వులు జారీ చేసింది. అన్‌లాక్-5 మార్గదర్శకాలనే మరో నెల పాటు (నవంబర్ 30) పొడిగిస్తూ ఉత్తర్వులు జారీ చేసింది. పండగల కాలం కావడంతో ఇక ఎలాంటి సడలింపులు ఇవ్వకూడదని నిర్ణయించినట్లు తెలుస్తోంది. అక్టోబర్‌ నెలకు ప్రకటించిన నిబంధనలే నవంబర్‌ నెలాఖరు వరకు వర్తిస్తాయని కేంద్ర హోం మంత్రిత్వ శాఖ మంగళవారం (అక్టోబర్ 27) సాయంత్రం ఒక ప్రకటనలో పేర్కొంది.

కరోనా వైరస్‌ వ్యాప్తి ఇంకా కొనసాగుతున్నందున ప్రజలు తగిన జాగ్రత్తలు తీసుకోవాలని కేంద్రం సూచించింది. కంటైన్‌మెంట్‌ జోన్లలో నవంబర్ 30 వరకు అన్ని రకాల ఆంక్షలు కొనసాగుతాయని స్పష్టం చేసింది.

కరోనాపై పోరాటమే లక్ష్యంగా అక్టోబర్ 8న ప్రధాని మోదీ ‘జన్‌ ఆందోళన్‌’ కార్యక్రమం ప్రారంభించారు. ఈ కార్యక్రమంలో అందరూ భాగస్వాములు కావాలని హోంశాఖ విజ్ఞప్తి చేసింది. మాస్క్‌లు ధరించడం, ఎప్పటికప్పుడు చేతులు శుభ్రపరుచుకోవడం, కనీసం 6 అడుగుల భౌతిక దూరాన్ని పాటించడం లాంటివి ప్రతిఒక్కరూ పాటించాలని కోరింది.

Unlock-5:స్కూళ్లు, థియేటర్ల ప్రారంభానికి నిబంధనలివే..



Source link

Leave a Reply

Your email address will not be published. Required fields are marked *