urmila gajapathi raju: సంచయితపై ఊర్మిళ సంచలన వ్యాఖ్యలు – urmila gajapathi raju response on sirimanotsavam controversy


సిరిమానోత్సవం సాక్షిగా తమకు అవమానం జరిగిందంటున్నారు ఆనందగజపతి రాజు కుమార్తె ఊర్మిళ. మమ్మల్ని కోట నుంచి బయటకు పంపమని పోలీస్, దేవాదాయ అధికారులను సంచయిత పురమాయించడం విచారకరం అన్నారు. కోటపై ముందు వరస నుంచి వెళ్లిపోవాలని సంచయిత ఆదేశించారని.. తమను కోటలోకి ఎవరు అనుమతించారంటూ సిబ్బందిని నిలదీశారని తెలిసిందన్నారు. అంతా తానే అన్నట్లు సంచయిత వ్యవహరిస్తున్నారని.. మాన్సాస్ తన సొంత సంస్థలా అధికారం చెలాయిస్తున్నారని మండిపడ్డారు. సంచయిత చేష్టలు ఆనందగజపతికి అవమానకరమని వ్యాఖ్యానించారు. కోట బురుజులపై నుంచి సరిమానోత్సవం తిలకించడం తమ వారసత్వ హక్కు అన్నారు.

అశోక్ గజపతిరాజును కలిసి సహకరించాలని కోరాం స్పందించలేదన్నారు ఊర్మిళ. ట్రస్ట్ బోర్డు మెంబర్‌గా కూడా ప్రమాణ స్వీకారం జరగనివ్వడం లేదని.. తమకు జరుగుతున్న అన్యాయంపై మాత్రమే ప్రశ్నిస్తున్నామని.. రాజకీయాలు లేవు అన్నారు. మాన్సాస్‌పై చట్ట ప్రకారమే ముందుకు వెళ్తామని.. న్యాయస్థానాలపై తమకు గౌరవం ఉందన్నారు. మాన్సాస్‌లో జరుగుతున్న పరిణామాలపై న్యాయ పోరాటం చేస్తామన్నారు.

విజయనగరం పైడితల్లి సిరిమానోత్సవంలో రోజు కోట బురుజుపై కూర్చునే విషయంలో వివాదం రేగింది. ముందుగా వచ్చిన ఆనంద గజపతిరాజు భార్య సుధ, కుమార్తె ఊర్మిళ కోటపై కూర్చున్నారు. అయితే ఆ ఇద్దరిని కోట నుంచి దింపాలని పోలీసులకు మాన్సాన్ ట్రస్ట్ ఛైర్మన్ సంచయిత చెప్పారు. తాము చెప్పలేమని పోలీసులు అనడంతో సంచయిత కోటకు మరోవైపు కుర్చీ వేసుకుని కూర్చొని ఉత్సవాన్ని తిలకించారు. దీన్ని అవమానంగా భావించిన సుధ, ఊర్మిళ ఇద్దరూ కిందికి దిగి వారి బంగ్లాలోకి వెళ్లిపోయారు. అంతటితో ఆ వివాదం ముగిసిందని భావించారు.

సంచయిత తీరుకు నిరసనగా బుధవారం ఆనందగజపతి రాజు రెండవ భార్య సుధ, ఊర్మిళ మౌనం పాటించారు. ఆనందగజపతిరాజు విగ్రహానికి పూలమాలలు వేసి నివాళులర్పించారు. విజయనగరం మహారాజకోట బురుజులపై నుంచి సిరిమానోత్సవాన్ని సందర్శించే సంప్రదాయం కొన్ని దశాబ్దాల నుంచి సాగుతూ వస్తోంది. దీంతో సంచయిత, ఊర్మిళ మధ్య వార్ మరింత ముదురుతోంది. అంతక ముందు విజయనగరం ఎంఆర్ కాలేజీని ప్రైవేట్ పరం చేయాలని తీసుకున్న నిర్ణయంపై ఊర్మిళ గజపతి మండిపడ్డారు.



Source link

Leave a Reply

Your email address will not be published. Required fields are marked *