Urvashi Rautela Tollywood Debut : గోపీచంద్‌తో స్టెప్పులేయనున్న బాలీవుడ్ హాట్ బ్యూటీ – actress urvashi rautela to shake a leg with gopichand in seeti maar


బాలీవుడ్ భామ ఊర్వశి రౌతెల టాలీవుడ్‌లో ఎంట్రీ ఇవ్వబోతోంది. మోడల్ నుంచి నటిగా మారిన ఈ బ్యూటీ సౌత్ ఇండియాలో ఒకే ఒక్క సినిమాలో నటించింది. శాండిల్‌వుడ్ స్టార్ దర్శన్ హీరోగా నటించిన ‘మిస్టర్ ఐరావత’లో ఊర్వశి కనిపించింది. ఆమె ఇప్పుడు టాలీవుడ్‌లో మాచో హీరో గోపీచంద్ సరసన నటించబోతోంది. గోపీచంద్ హీరోగా తెరకెక్కుతోన్న ‘సీటీమార్’ సినిమాలో ఒక స్పెషల్ సాంగ్ కోసం ఊర్వశి రౌతెలను రంగంలోకి దించుతున్నారు. బాలీవుడ్‌కు చెందిన చాలా మంది భామలు ఇప్పటికే తెలుగులో ఐటమ్ సాంగ్స్ చేశారు. అయితే, ‘సీటీమార్’లో స్పెషల్ సాంగ్‌కు ఒక కొత్త ఫేస్ కావాలని మేకర్స్ భావించారట. అందుకే, అందాల భామ ఊర్వశిని ఎంపిక చేసుకున్నారు.


లాక్‌డౌన్ పీరియడ్ పూర్తయి, షూటింగ్‌లో ప్రారంభమైతే ఈ పాటను చిత్రీకరిస్తారని ‘సీటీమార్’ సినిమాకు సంబంధించిన వ్యక్తుల ద్వారా తెలిసింది. ఈ పాట చిత్రీకరణ కోసం ప్రత్యేకంగా ఒక భారీ సెట్‌ కూడా ప్లాన్ చేస్తున్నారట. ఈ సినిమాలో తమన్నా హీరోయిన్‌గా నటిస్తోంది. ఈ సినిమాలో గోపీచంద్ కబడ్డీ ప్లేయర్‌గా కనిపించనున్నారు. అలాగే, తమన్నా మహిళా కబడ్డీ జట్టుకు కోచ్‌గా నటిస్తోంది. ఇప్పటికే ‘సీటీమార్’ 60 శాతం షూటింగ్‌ను పూర్తిచేసుకుంది. కరోనా వైరస్ కారణంగా ప్రస్తుతం షూటింగ్ నిలిచిపోయింది. ఈ సినిమాకు సంపత్ నంది దర్శకత్వం వహిస్తున్నారు.

Also Read:
విడుదలకు నోచుకోని తమిళ సినిమా రీమేక్.. రవితేజ హీరో

ఇదిలా ఉంటే, మోడలింగ్‌ను కెరీర్‌గా ఎంచుకున్న ఊర్వశి రౌతెల 2015లో మిస్ దివ కిరీటాన్ని దక్కించుకుంది. మిస్ యూనివర్స్ 2015 అందాల పోటీల్లో భారత్ తరఫున ప్రాతినిథ్యం వహించింది. 2013లో సన్నీ డియోలో హీరోగా వచ్చిన ‘సింగ్ సాబ్ ది గ్రేట్’ సినిమాతో వెండితెరకు పరిచయమైంది. ఆ తరవాత ‘సనమ్ రే’, ‘గ్రేట్ గ్రాండ్ మస్తి’, ‘హేట్ స్టోరీ 4’, ‘పాగల్‌పంతి’ సినిమాల్లో ఊర్వశి నటించింది. ప్రస్తుతం హిందీ మూవీ ‘వర్జిన్ భానుప్రియ’లో ఊర్వశి నటిస్తోంది. హిందీలో మూడో సినిమాల్లో స్పెషల్ సాంగ్స్ చేసిన ఊర్వశి.. ఇప్పుడు తెలుగులో పాట ద్వారా ప్రేక్షకులకు పరిచయం కాబోతోంది.





Source link

Leave a Reply

Your email address will not be published. Required fields are marked *