us intelligence: అఫ్గన్‌లోని అమెరికా సైనికులను చంపడానికి ఉగ్రవాదులకు రష్యా సాయం! – russia secretly offered afghan terrorists bounties to kill troops says us intelligence


అఫ్గనిస్థా‌న్‌లోని అమెరికా సైనికులు సహా సంకీర్ణ దళాలను హత్యచేసినందుకు తాలిబన్ ఉగ్రవాదులకు రష్యా మిలటరీ ఇంటెలిజెన్స్ విభాగం నుంచి రహస్యంగా కానుకలు అందుతున్నట్టు అగ్రరాజ్యం నిఘా అధికారులు నిర్ధారణకు వచ్చారు. తాలిబన్లతో సంబంధం ఉన్న ఉగ్రవాదులకు రష్యా సహాకరిస్తున్నట్టు గుర్తించారు. దశాబ్దాలుగా కొనసాగుతున్న అఫ్గన్ అంతర్యుద్ధాన్ని ఆపడానికి శాంతి ప్రక్రియ కొనసాగుతున్న వేళ రష్యా వ్యవహారం వెలుగులోకి వచ్చినట్టు అధికారులు తెలిపారు.

పశ్చిమ దేశాలను అస్థిరపరిచేందుకు లేదా ప్రతీకారం తీర్చుకోవడానికి ఐరోపాలో హత్యాయత్నాలు, ఇతర రహస్య కార్యకలాపాలను కోవర్టులు విజయవంతంగా నిర్వహించినందుకు వారికి రష్యా రహస్యంగా బహుమతులు ఇచ్చిందని కొద్ది నెలల కిందటే అమెరికా నిర్ధారించింది. ఇస్లామిక్ ఉగ్రవాదులు, వారితో సన్నిహితంగా ఉన్న సాయుధ క్రిమినల్స్‌కు కొంత నగదు రష్యా మిలటరీ ఇంటెలిజెన్స్ నుంచి అందినట్టు అధికారులు తెలిపారు. గతేడాది ఆఫ్గనిస్థాన్‌లో జరిగిన యుద్ధంలో 20 మంది అమెరికన్లు చనిపోయారు కానీ.. వీటిపై అనుమానాలు వ్యక్తమయ్యాయి.

మార్చి చివరిలో జరిగిన వైట్‌హౌస్ జాతీయ భద్రత మండలి సమావేశంలో ఈ అంశంపై అధ్యక్షుడు డొనాల్డ్ ట్రంప్‌తో చర్చించినట్టు అధికారులు తెలిపారు. దౌత్యపరంగా ఫిర్యాదు చేసి, ఇలాంటి చర్యలను ఆపాలని డిమాండ్ చేయడం.. ఒకవేళ దీనికి స్పందించకపోతే ఆంక్షలు ఇతర మార్గాలను అనుసరించాలని నిర్ణయించారు.. కానీ, ఇప్పటి వరకూ శ్వేతసౌధం ఎలాంటి చర్యలు చేపట్టలేదన్నారు.

అమెరికా, నాటో దళాలను హత్యచేయడానికి తాలిబన్ ఉగ్రవాదులకు రష్యా నిఘా వర్గాలు సహకరిస్తున్నట్టు బయటకు రావడం ఇదే తొలిసారి. ఒకవేళ అఫ్గన్‌లో అమెరికా సైనికుల హత్యల వెనుక రష్యా హస్తం ఉందనేది నిజమైతే అమెరికా, రష్యాల మధ్య వివాదం ముదురి ఉద్రిక్తతలకు దారితీస్తుంది. ఇప్పటికే సైబర్ దాడులు, నకిలీ వార్తలు ప్రచారం విషయంలో ఇరు దేశాల మధ్య ప్రచ్ఛన్న యుద్ధం కొనసాగుతోంది.

అమెరికా నిఘా వర్గాల వ్యాఖ్యలపై రష్యా అధ్యక్షుడు వ్లాదిమిర్ పుతిన్ మీడియా కార్యదర్శి దిమిత్రే పెస్కోవ్ మాట్లాడుతూ.. ఒకవేళ ఎవరైనా తమను అడిగితే సమాధానం చెబుతామన్నారు. దీనిపై తాలిబన్ అధికార ప్రతినిధి మాత్రం స్పందించకపోవడం గమనార్హం. ఇక, రష్యా పట్ల మాత్రం ట్రంప్ తొలినుంచి సానుకూల వైఖరిని ప్రదర్శిస్తున్నారు. గత అధ్యక్ష ఎన్నికల్లో ట్రంప్ గెలుపునకు రష్యా సహకరించినట్టు అమెరికా నిఘా వర్గాలు నివేదికలు వెల్లడిస్తున్నాయి. ఈ నేపథ్యంలో రష్యాపై ఆంక్షలు విధిస్తూ కాంగ్రెస్ తీసుకొచ్చి బిల్లుపై ట్రంప్ విమర్శలు గుప్పించారు.



Source link

Leave a Reply

Your email address will not be published. Required fields are marked *