vaccine for coronavirus: అసలు కరోనాకి మందు వస్తుందా.. శాస్త్రవేత్తలు ఏమంటున్నారంటే.. – china scientists developing new drug against coronavirus


గత సంవత్సరం చివర్లో చైనాలో మొదలై ప్రపంచాన్ని అతలాకుతలం చేస్తున్న కరోనా వైరస్‌కి మందు, వ్యాక్సిన్ కనుక్కునేదుకు అంతర్జాతీయంగా ప్రయత్నాలు జరుగుతున్నాయి. చైనాలోని ప్రతిష్టాత్మక పెకింగ్ యూనివర్సిటీలో టెస్ట్ చేస్తున్న ఈ మందు ఈ వైరస్ తో ఇన్‌ఫెక్ట్ అయిన వారు త్వరగా కోలుకునేలా చేస్తుందనీ, షార్ట్-టర్మ్ ఇమ్యూనిటీని పెంచుతుందని శాస్త్రవేత్తలు ఆశాభావం వ్యక్తం చేస్తున్నారు. ఈ మందు జంతువుల మీద విజయవంతంగా ప్రయోగించబడిందని యూనివర్సిటీ బీజింగ్ ఎడ్వాన్స్డ్ ఇన్నొవేషన్ సెంటర్ ఫర్ జీనోమిక్స్ డైరెక్టర్ సన్నీ జీ అన్నారు.

samayam telugu

corona virus times of india

Also Read : సమ్మర్‌లో బార్లీ నీరు తాగితే ఎన్ని లాభాలో తెలుసా..

ఇన్‌ఫెక్షన్ ఉన్న ఎలుకలకి ఈ మందు ఇచ్చిన తరువాత వాటిలోని ఇన్‌ఫెక్షన్ గణనీయంగా తగ్గిందని శాస్త్రవేత్తలు చెబుతున్నారు. తనూ, తన టీమ్ రాత్రీ పగలూ తేడా లేకుండా యాంటీ బాడి కనుక్కోడానికి కష్టపడ్డామని జీ అన్నారు. “మేము వైరాలజీ లోనో, ఇమ్యునాలజీ లోనో కాకుండా సింగిల్ సెల్ జీనోమిక్స్ లో పనిచేస్తున్నాం. ఈ పద్ధతిలో యాంటీ-బాడీ కనుక్కోగలిగినందుకు చాలా ఆనందంగా ఉంది” అని ఆయన అన్నారు.

ఈ సంవత్సరం చివరికి, అంటే చలికాలం టైమ్‌కి, ఈ మందు వాడకంలోకి వస్తుందని జీ అనే శాస్త్రవేత్త చెబుతున్నారు. క్రితం సంవత్సరం మొదలైన ఈ వైరస్ ప్రపంచవ్యాప్తంగా 4.8 మిలియన్ల జనాభాకి సోకిందనీ, 315,000 కంటే ఎక్కువ మంది ఈ వైరస్ వలన మృత్యువాత పడ్డారని చెబుతున్నారు.

క్లినికల్ ట్రయల్‌ని ప్లాన్ చెస్తున్నామని ఆయన చెబుతున్నారు. చైనా లో కేసులు తగ్గిపోవడం వల్ల, ఈ ట్రయల్స్ ఆస్ట్రేలియా లో గానీ, ఇతర దేశాల్లో జరుగుతాయని ఆయన చెబుతున్నారు. ఈ మందు ఈ మహమ్మారిని పూర్తిగా కట్టడి చేస్తుందన్న ఆశతో ఉన్నామని ఆయన తెలిపారు.

Also Read : కేవలం రోజ్ వాటర్‌తోనే మీ స్కిన్, కళ్ళని మెరిపించొచ్చు ఇలా..

చైనా లో ఇప్పటికే ఐదు కరోనా వైరస్ వ్యాక్సిన్స్ హ్యూమన్ ట్రయల్ స్టేజ్ లో ఉన్నాయని తెలిసింది. కానీ, ప్రపంచ ఆరోగ్య సంస్థ మాత్రం వ్యాక్సిన్ అభివృద్ధి చేయాలంటే కనీసం 12-18 నెలలు పడుతుందని హెచ్చరించింది.

ఈ వైరస్ బారిన పడి కోలుకున్నవారి దగ్గర నుంచి సేకరించిన ప్లాస్మా కూడా ప్రభావవంతంగా పని చేయగలదని శాస్త్రవేత్తలు అంటున్నారు. చైనాలో 700 మంది కంటే ఎక్కువ పేషెంట్స్ ప్లాస్మా థెరపీని తీసుకున్నారు. ఈ థెరపీ బాగానే పనిచేస్తోందని అధికారులు అంటున్నారు.

కానీ, ఈ ప్లాస్మా ఎక్కువ పరిమాణంలో లభించదని, వాళ్ళ డ్రగ్ లో వాడిన యాంటీ-బాడీస్‌ని ఎక్కువ సంఖ్యలో, తొందరగా తయారు చేయొచ్చని జీ చెబుతున్నారు.

samayam telugu

coronavirus istock

నివారణ , మందు..డ్రగ్ ట్రీట్‌మెంట్స్ యాంటీ-బాడీస్ వాడడం కొత్త పద్ధతేమీ కాదు. హెచ్ఐవీ, ఎబోలా, మెర్స్ లాంటి ఇతర వైరస్ లని ట్రీట్ చేయడానికి ఈ పద్ధతినే వాడారు. ఈ మహమ్మారి చైనా లోనే మొదలైంది కాబట్టి వాళ్ళ పరిశోధనలు ముందే మొదలుపెట్టారని జీ అంటున్నారు.

ఎబోలా కి వాడిన రెండిసివర్ అనే మందు కొవిడ్-19 కి కూడా వాడొచ్చని ముందు అనుకున్నారు. కానీ యూఎస్ లో జరిగిన క్లినికల్ ట్రయల్స్ లో ఈ మందు వల్ల రికవరీ టైమ్ తగ్గినా మోర్టాలిటీ రేట్ మాత్రం పెద్దగా తగ్గలేదని అర్ధమైంది.

Also Read : సిగరేట్‌ని మాన్పించే ప్రొడక్ట్స్‌‌తో పొగాకు అలవాటుని దూరం చేసుకోవచ్చా..

ఈ కొత్త మందు వల్ల షార్ట్-టర్మ్ ప్రొటెక్షన్ కూడా ఉండొచ్చు. పరిశోధనల ప్రకారం ఎలుకలని ఈ మందు ఇచ్చిన తరువాత ఇన్‌ఫెక్ట్ చేస్తే వాటికి ఈ ఇన్ఫెక్షన్ సోకలేదని, వాటి శరీరంలో వైరస్ కనబడలేదని తెలుస్తోంది. అందువల్ల మెడికల్ వర్కర్స్ కి ఇది బాగా లాభదాయకంగా ఉంటుందని జీ అంటున్నారు.

ప్రపంచవ్యాప్తం గా 100 కంటే ఎక్కువ వ్యాక్సిన్స్ మీద వర్క్ జరుగుతోందనీ, కానీ వ్యాక్సిన్ తయారు చేయడానికి చాలా సమయం పడుతుంది. కాబట్టి ఈ కొత్త మందు వల్ల తొందరగా, ప్రభావంతంగా ఈ వైరస్ ని కట్టడి చేయొచ్చని జీ ఆశిస్తున్నారు.

వ్యాక్సిన్ లేకుండానే ఈ మందుతో ఈ మహమ్మారిని నిరోధించగలమని ఆయన అన్నారు.



Source link

Leave a Reply

Your email address will not be published. Required fields are marked *