vaya vandana yojana: మోదీ గుడ్ న్యూస్.. ఈ స్కీమ్‌తో నెలకు రూ.10,000! – pm vaya vandana yojana: senior citizens pmvvy pension scheme extended by 3 years


ప్రధానాంశాలు:

  • వయ వందన యోజన స్కీమ్ గడువు పొడిగింపు
  • దీంతో ఈ స్కీమ్‌లో ఇప్పుడు కూడా చేరొచ్చు
  • నెలకు రూ.10,000 పొందొచ్చు

కేంద్ర ప్రభుత్వం తాజాగా తీపికబురు అందించింది. సీనియర్ సిటిజన్స్‌కు ఊరట కలిగించే నిర్ణయం తీసుకుంది. మోదీ సర్కార్ తాజాగా ప్రధాన్ మంత్రి వయ వందన యోజన స్కీమ్‌ గడువును పొడిగిస్తూ నిర్ణయం తీసుకుంది. మరో మూడేళ్లు ఈ పథకం అందుబాటులో ఉంటుందని కేంద్ర ప్రభుత్వం తెలిపింది.

ప్రధాన్ మంత్రి వయ వందన యోజన స్కీమ్ ఇప్పుడు 2023 మార్చి 31 వరకు అందుబాటులో ఉంటుంది. సాధారణంగా ఈ స్కీమ్ గడువు మార్చి 31తోనే ముగిసింది. అయితే కేంద్ర ప్రభుత్వం స్కీమ్ గడువును పొడిగిస్తున్నట్లు నిర్ణయించింది. దేశీ దిగ్గజ బీమా కంపెనీ లైఫ్ ఇన్సూరెన్స్ కార్పొరేషన్ (LIC) ఈ స్కీమ్ నిర్వహణ బాధ్యతలు చూసుకుంటుంది.

Also Read: శుభవార్త.. భారీగా పడిపోయిన బంగారం ధర.. వెండి షాక్!

వయ వందన యోజన స్కీమ్‌లో చేరాలంటే 60 ఏళ్లు లేదా ఆపైన వయసు ఉండాలి. ఈ స్కీమ్‌పై 7.4 శాతం వరకు వడ్డీ లభిస్తుంది. గతంలో అయితే 8 శాతం వడ్డీ వచ్చేది. వయ వందన యోజన స్కీమ్‌లో చేరిన వారికి పెన్షన్ డబ్బులు తీసుకోవడానికి నాలుగు ఆప్షన్లు అందుబాటులో ఉంటాయి. నెల నెలా డబ్బులు తీసుకోవచ్చు. మూడు నెలలకు ఒకసారి డబ్బులు తీసుకునే ఆప్షన్ ఉంది. లేదంటే ఆరు నెలలకు ఒకసారి పెన్షన్ డబ్బులు పొందొచ్చు. ఇవ్వన్నీ వద్దనుకుంటే ఏడాదికి ఒకసారి పెన్షన్ డబ్బులు పొందే ఛాన్స్ కూడా ఉంది.

Also Read: SBI దారిలో హెచ్‌డీఎఫ్‌సీ బ్యాంక్.. కస్టమర్లకు అదిరిపోయే శుభవార్త!

ఎల్ఐసీ వయ వందన యోజన స్కీమ్ ద్వారా కనీస పెన్షన్ పొందాలంటే ముందుగా రూ.1.5 లక్షలు పథకంలో ఇన్వెస్ట్ చేయాలి. ఈ మొత్తంపై ప్రతి నెలా రూ.1,000 పెన్షన్ తీసుకోవచ్చు. డిపాజిట్ మొత్తం పెంచుకుంటే ప్రతి నెలా తీసుకునే పెన్షన్ కూడా పెరుగుతుంది. ప్రధాన్ మంత్రి వయ వందన యోజన స్కీమ్‌లో చేరడం వల్ల నెలకు గరిష్టంగా రూ.10,000 వరకు కూడా పెన్షన్ తీసుకోవచ్చు. అయితే దీని కోసం మీరు స్కీమ్‌లో చేరేటప్పుడు రూ.15 లక్షలు డిపాజిట్ చేయాల్సి ఉంటుంది.

ఇకపోతే ఈ స్కీమ్ మెచ్యూరిటీ కాలం పదేళ్లు. అంటే మీరు మీ డబ్బును పదేళ్లపాటు డిపాజిట్ చేయాల్సి ఉంటుంది. అందువల్ల మీకు డబ్బుతో ఎలాంటి అవసరం లేదనుకుంటేనే ఈ స్కీమ్‌లో చేరడం మంచిది. లేదంటే మీ వద్ద అదనంగా ఉన్న డబ్బును ఈ పథకంలో డిపాజిట్ చేయొచ్చు.



Source link

Leave a Reply

Your email address will not be published. Required fields are marked *