Vijaya Sai Reddy: చంద్రబాబు టీడీపీ ఎమ్మెల్యేల కాళ్లు పట్టుకుంటూ.. వైసీపీ ఎంపీ సంచలన వ్యాఖ్యలు – ysrcp mp vijaya sai reddy satires on chandrababu tdp mlas issue


టీడీపీ అధినేత, మాజీ ముఖ్యమంత్రి చంద్రబాబును మరోసారి టార్గెట్ చేశారు వైఎస్సార్‌సీపీ ఎంపీ విజయసాయిరెడ్డి. ట్విట్టర్ వేదికగా సంచలన వ్యాఖ్యలు చేశారు. టీడీపీ ఎమ్మెల్యేలు పార్టీ మారతారంటూ ప్రచారం జరగడంతో ఆ అంశాన్ని ప్రస్తావిస్తూ ఘాటు వ్యాఖ్యలు చేశారు. విశాఖ ఎందుకు వెళ్లడం లేదని ప్రశ్నించారు. అంతేకాదు టీడీపీకి ఇక భవిష్యత్ లేదంటూ పరోక్షంగా చెప్పుకొచ్చారు.

విశాఖ గ్యాస్ బాధితులను పరామర్శిస్తా.. వాళ్లకు భారీగా ఆర్ధిక సాయం చేసి ఆదుకుంటా అని చెప్పి కరకట్ట నుంచి కదలడం లేదన్నారు విజయసాయిరెడ్డి. ఎమ్మెల్యేల కాళ్లు పట్టుకునే పనిలో పడ్డారని.. అధికారం పోయినా, పార్టీ వదిలి పోవద్దని కోట్ల డబ్బు ఆశ చూపిస్తున్నాడంటే ఏ రేంజిలో దోచుకున్నారో ఊహించొచ్చు అంటూ ఘాటుగా ట్వీట్ చేశారు.

ఇంకెక్కడి తెలుగుదేశం.. ప్రజలకు దూరమై ఏడాదైంది అన్నారు వైఎస్సార్‌సీపీ ఎంపీ. ఎల్లో మీడియా, ఆ పార్టీ వెబ్ సైట్లలో మాత్రమే తరచూ ఉరుములు వినిపిస్తుంటాయని.. క్యాడర్ లేదు, ఓటు బ్యాంకు లేదన్నారు. అధికారం ఉంటేనే మాట్లాడతారంట.. ప్రజలెన్నుకున్న ప్రభుత్వంపై, అనుకూల వ్యవస్థలను ఉసిగొల్పితే ప్రజాక్షేత్రంలో విజయం సిద్ధిస్తుందా అన్నారు.



Source link

Leave a Reply

Your email address will not be published. Required fields are marked *