Vijayasai Reddy : కరోనా కిట్లపై దుమారం వేళ.. ఉప రాష్ట్రపతి వెంకయ్యకు విజయసాయి స్పెషల్ థ్యాంక్స్ – ysrcp mp vijayasai reddy special thanks to vice president venkaiah naidu amid of rapid kits controversy


ఆంధ్రప్రదేశ్‌లో కరోనా వైరస్ (కోవిడ్ 19) కిట్లపై దుమారం కొనసాగుతున్న వేళ.. అధికార వైఎస్సార్ కాంగ్రెస్ పార్టీ ప్రధాన కార్యదర్శి, రాజ్యసభ సభ్యుడు విజయసాయిరెడ్డి అనూహ్యంగా ఉప రాష్ట్రపతి వెంకయ్యనాయుడును తెరపైకి తీసుకొచ్చారు. కరోనా కిట్లపై రెండు రోజుల క్రితం ఉప రాష్ట్రపతి వెంకయ్య చేసిన ట్వీట్లను గుర్తు చేసుకుంటూ ఆయనకు ధన్యవాదాలు తెలిపారు. ఈ మేరకు సోమవారం మధ్యాహ్నం విజయసాయిరెడ్డి ట్వీట్ చేశారు.


‘‘కోవిడ్‌పై రాష్ట్ర ప్రభుత్వ పోరాటాన్ని ప్రశంసించిన ఉప రాష్ట్రపతి వెంకయ్యనాయుడు గారికి ధన్యవాదాలు. సంక్షోభ సమయంలో మీలాంటి పెద్దల ప్రేరణ ప్రభుత్వ యంత్రాంగానికి ఉత్సాహాన్నిస్తుంది. యువ సీఎం నిరంతర కృషి వల్ల రాష్ట్రం త్వరలోనే వ్యాధి కోరల నుంచి బయటపడుతుంది సర్.’’ అని విజయసాయిరెడ్డి పేర్కొన్నారు.

Also Read: జగన్ సర్కారుకు ఉప రాష్ట్రపతి వెంకయ్యనాయుడు ప్రశంసలు

కాగా, కరోనా నిర్ధారణ పరీక్షలను మరింత వేగవంతంగా నిర్వహించేందుకు రాపిడ్‌ టెస్ట్‌ కిట్లను ఏపీ ప్రభుత్వం దిగుమతి చేసుకోవడం సంతోషకరమని ఉపరాష్ట్రపతి వెంకయ్య ట్వీట్ చేసిన విషయం తెలిసిందే. అయితే ఈ రాపిడ్ కిట్ల కొనుగోలులో వైసీపీ సర్కారు అవినీతి పాల్పడిందని బీజేపీ నేతలు ఆరోపణలు గుప్పిస్తున్నారు. దీనిపై సోషల్ మీడియా వేదికగా పెద్ద దుమారమే చెలరేగుతోంది. ఈ నేపథ్యంలో గతంలో బీజేపీ జాతీయ అధ్యక్షుడిగా పని చేసి, ప్రస్తుతం ఉప రాష్ట్రపతిగా కొనసాగుతున్న వెంకయ్యనాయుడు పేరును విజయసాయిరెడ్డి అనూహ్యంగా తెరపైకి తీసుకొచ్చారు. అంతా బాగుండగా రెండు రోజుల క్రితం ఉప రాష్ట్రపతి ట్వీట్ చేసినప్పడు స్పందించని విజయసాయిరెడ్డి.. ప్రస్తుతం కిట్ల కొనుగోళ్లలో అక్రమాలు జరిగాయని బీజేపీ నేతలు దుమ్మెత్తిపోస్తున్న సమయంలో వెంకయ్యనాయుడుకు ధన్యవాదాలు తెలపడం గమనార్హం.





Source link

Leave a Reply

Your email address will not be published. Required fields are marked *