Vijayasai Reddy: వారు సోషల్ మీడియా వీర సైనికులు, కేసుల్లో ఇరుక్కున్నా వదులుకోం.. వైసీపీ కీలక ప్రకటన – ysrcp mp vijayasai reddy says that will protect party social media activists


హైకోర్టు నోటీసులు అందుకున్న వైఎస్సార్ కాంగ్రెస్ పార్టీ కార్యకర్తలకు అండగా నిలుస్తామని ఆ పార్టీ ప్రధాన కార్యదర్శి, ఎంపీ విజయసాయిరెడ్డి వెల్లడించారు. ఈ మేరకు సోమవారం విజయసాయిరెడ్డి మీడియాతో మాట్లాడుతూ.. వైసీపీ కార్యకర్తలకు హైకోర్టు నోటీసులపై కీలక వ్యాఖ్యలు చేశారు. 2014- 2019 టీడీపీ అధికారంలో ఉన్నప్పుడు వైసీపీ సోషల్ మీడియా కార్యకర్తలు కేసుల్లో నలిగిపోయారన్నారు. తమ వాళ్లను జైళ్లకు పంపారని, ఏబీ వెంకటేశ్వర్లు ఎలా చేశారో అందరికీ తెలుసన్నారు. నీతి, నిజాయితీ కోసం వీర సైనికుల్లా సోషల్ మీడియా కార్యకర్తలు పని చేశారని పేర్కొన్నారు.

‘‘మా పార్టీ కార్యకర్తలపై ఆరోపణలు చేసినా, కేసులు ఇరుక్కున్నా వారి వెంట నేనుంటా.. సపోర్ట్ చేస్తా. ఎందుకంటే వారు నిందితులే గాని, దోషులు కాదు. ఒక వేళ వారు దోషులుగా తేలినా అండగా నిలుస్తా’’ అని విజయసాయిరెడ్డి స్పష్టం చేశారు.

గతంలో దివంగత వైఎస్సార్ ముఖ్యమంత్రిగా ఉన్నప్పుడు తన అనుచరుడు దోషిగా తేలితే జైలుకు వెళ్లి మరీ పరామర్శించారని విజయసాయిరెడ్డి గుర్తు చేశారు. ప్రస్తుతం తమ పార్టీ వారు కేసుల్లో ఇరుక్కుంటే దూరం చేసుకోవాల్సిన అవసరం లేదని స్పష్టం చేశారు. స్నేహమంటే ఇదేనని.. పార్టీకీ, కార్యకర్తకు మధ్య అనుబంధమని పేర్కొన్నారు. అయితే తాను కోర్టులను తప్పు పట్టడం లేదని.. మాకు న్యాయం జరుగుతుందని భావిస్తున్నట్లు స్పష్టం చేశారు.



Source link

Leave a Reply

Your email address will not be published. Required fields are marked *