Vijayashanti: బీజేపీ గూటికి విజయశాంతి.. కేంద్ర మంత్రితో కీలక చర్చలు! – rumours speculates that congress leader, actress vijayashanti may join bjp


తెలంగాణ కాంగ్రెస్‌కు మరో గట్టి ఎదురుదెబ్బ తగలబోతున్నట్లు తెలుస్తోంది. తెలంగాణ రాష్ట్ర కాంగ్రెస్ ప్రచార కమిటీ చైర్‌పర్సన్ విజయశాంతి హస్తం పార్టీకి గుడ్‌బై చెప్పి, బీజేపీ గూటికి చేరబోతున్నట్లు వార్తలు గుప్పుమంటున్నాయి. గత కొంత కాలంగా కాంగ్రెస్ పార్టీ కార్యక్రమాలకు ఆమె దూరంగా ఉంటున్నారు. దుబ్బాకలో ఉప ఎన్నికల ప్రచారపర్వం హోరాహోరీగా సాగుతున్నా విజయశాంతి అటువైపు కన్నెత్తి కూడా చూడలేదు. కనీసం సోషల్ మీడియా ద్వారా కూడా కాంగ్రెస్‌కు ఓటు వేయమని పిలుపు ఇవ్వలేదు. అలాగే బీజేపీ ఎమ్మెల్యే అభ్యర్థి రఘునందన్‌రావు ఇంటిపై సోదాలు, ఆ తర్వాత ఆ పార్టీ రాష్ట్ర అధ్యక్షుడు బండి సంజయ్‌తో పోలీసుల వివాదంపై విజయశాంతి ఘాటుగా స్పందించారు. కేసీఆర్ సర్కార్‌పై తీవ్ర విమర్శలు గుప్పించారు.

ఈ పరిణామాల నేపథ్యంలో రాములమ్మ కాంగ్రెస్‌కు దూరం కానున్నట్లు ప్రచారం జరుగుతోంది. ఈ నేపథ్యంలో సోమవారం సాయంత్రం జూబ్లీహిల్స్‌లోని విజయశాంతి నివాసానికి వెళ్లిన కేంద్రమంత్రి కిషన్‌రెడ్డి మర్యాదపూర్వకంగా కలిశారు. సుమారు అరగంట పాటు ఈ భేటీ జరిగినట్లు బీజేపీ వర్గాలు వెల్లడించాయి. అంతేకాకుండా ఈ సమావేశానికి కొద్ది రోజుల క్రితం బీజేపీ రాష్ట్ర అధ్యక్షుడు బండి సంజయ్ కూడా విజయశాంతితో భేటీ అయినట్లు సమాచారం.

నవంబర్ 10వ తేదీ లోపు ముహూర్తం చూసుకుని రాములమ్మ బీజేపీలో చేరనున్నట్లు సమాచారం. ఢిల్లీ పెద్దల సమక్షంలో విజయశాంతి కమలం గూటికి చేరనున్నట్లు తెలుస్తోంది. ఈ వ్యవహారంపై విజయశాంతి క్లారిటీ ఇవ్వాల్సి ఉంది.



Source link

Leave a Reply

Your email address will not be published. Required fields are marked *