Vijayawada: గంజాయి తరలిస్తున్న బీటెక్ స్టూడెంట్స్.. బోర్డర్‌లో అడ్డంగా బుక్కై.. – three students held for ganja trafficking


గంజాయి మత్తులకు అలవాటుపడిన స్టూడెంట్స్ ఏకంగా అక్రమ రవాణా చేసేందుకు కూడా వెనకాడడం లేదు. తెలంగాణ నుంచి ఏపీకి భారీ మొత్తంలో గంజాయి తరలిస్తూ బీటెక్ స్టూడెంట్స్ పట్టుబడ్డారు. ఖమ్మం జిల్లా నుంచి కృష్ణా జిల్లా తిరువూరులో ప్రవేశించిన ముగ్గురు వ్యక్తులను అనుమానంతో తనిఖీ చేసిన పోలీసులకు గంజాయి ప్యాకెట్లు లభ్యమయ్యాయి.

గంజాయి అక్రమంగా రవాణా చేస్తున్నట్లు గుర్తించిన పోలీసులు క్షుణ్ణంగా తనిఖీలు చేయడంతో భారీ స్థాయిలో గంజాయి లభ్యమైంది. సుమారు 11 కిలోల గంజాయిని పోలీసులు స్వాధీనం చేసుకున్నారు. అదుపులోకి తీసుకున్న ముగ్గురు యువకుల్లో ఇద్దరు ఇంజినీరింగ్ విద్యార్థులు కాగా, మరొకరు ఐటీఐ విద్యార్థిగా తెలుస్తోంది.

Also Read: ముళ్లపొదల్లో మహిళ మృతదేహం.. ప్రియుడిని పట్టించిన ‘పర్సు’

అయితే విద్యార్థులు డబ్బుల కోసం గంజాయి అక్రమ రవాణా చేస్తున్నారా? లేక మత్తుకి అలవాటుపడి గుట్టుచప్పుడు కాకుండా గంజాయి తెచ్చుకుంటున్నారా? అనే కోణంలో పోలీసులు విచారణ జరుపుతున్నారు. పట్టుబడిన ముగ్గురిని రిమాండ్‌కి పంపించనున్నట్లు పోలీసులు చెబుతున్నారు. పూర్తి వివరాలు తెలియాల్సి ఉంది.



Source link

Leave a Reply

Your email address will not be published. Required fields are marked *