vijayawada cows bleeding: 70 ఆవుల కళ్లలో నుంచి రక్తం.. విజయవాడలో కలకలం – blood from cows eye causes panic in public due to coronavirus scare


కరోనా విజృంభిస్తున్న వేళ కృష్ణా జిల్లాలో కలకలం రేగింది. ఉన్నట్టుండి పదుల సంఖ్యలో ఆవులు అస్వస్థతకు గురయ్యాయి. ఆవుల కళ్లలో నుంచి రక్తం కారడం.. ఒంటిపై ఎర్రటి మచ్చలు వచ్చాయి. అది చూసిన జనం తీవ్ర భయాందోళనకు గురయ్యారు. పదుల సంఖ్యలో ఆవులకు ఒకేసారి ఇలా జరగడంతో కరోనా వైరస్ సోకిందేమోనన్న అనుమానాలు వ్యక్తమయ్యాయి.

జిల్లాలోని కొండపల్లిలో ఈ ఘటన చోటుచేసుకుంది. ఆవుల కళ్ల నుంచి రక్తం కారడంతో పాటు ఒంటిపై ఎర్రటి మచ్చలు రావడంతో గ్రామస్థులు భయాందోళనకు గురయ్యారు. సుమారు 70 ఆవుల్లో ఇదే పరిస్థితి కనిపించడంతో ఒక్కసారిగా కలకలం రేగింది. ఆవులకు కరోనా వైరస్ సోకడం వల్లే ఇలాంటి లక్షణాలు కనిపిస్తున్నాయని అనుమానాలు వ్యక్తమయ్యాయి.

Also Read: నరమాంస భక్షకుడు.. గర్ల్‌ఫ్రెండ్‌ని చంపి కాళ్లు ఫ్రై.. తింటూ ఉండగా పోలీసుల ఎంట్రీ

స్థానికులు సమాచారం అందించడంతో పశువైద్యాధికారులు స్పందించి గోవులకు పరీక్షలు నిర్వహించారు. ఆవులకు పొంగు వ్యాధి వచ్చిందని నిర్ధారించారు. పొంగు వ్యాధి ఒక గోవు నుంచి మరో గోవుకు ఈ వ్యాపిస్తుందని.. అలా 70 ఆవులకు సోకిందన్నారు. పొంగు వ్యాధి శరీరం నుంచి కడుపులోకి పాకితే ప్రమాదమని.. వారం రోజుల పాటు చికిత్స అందించాలన్నారు. ఆవుల వల్ల కరోనా వైరస్ సోకే అవకాశాల్లేవని వైద్యులు చెప్పడంతో స్థానికులు ఊపిరి పీల్చుకున్నారు.

Read Also: స్నానం చేయడు కానీ సెక్స్ కావాలట.! భర్తపై పోలీసులకు ఫిర్యాదు చేసిన భార్య



Source link

Leave a Reply

Your email address will not be published. Required fields are marked *