vijayawada gang war dead: బెజవాడ గ్యాంగ్‌ వార్‌: గ్రూప్ లీడర్ మృతి.. సంచలన విషయాలు వెలుగులోకి.. – vijayawada gang war: group leader sandeep died


విజయవాడలో ఆదివారం జరిగిన గ్యాంగ్ వార్‌లో ఒకరు మృతి చెందారు. పరస్పర దాడుల్లో గాయాలపాలైన ఓ వర్గానికి నాయకత్వం వహిస్తున్న తోట సందీప్ మరణించారు. అలాగే బెజవాడ గ్యాంగ్‌ వార్‌కు సంబంధించి ఓ కొత్త ట్విస్ట్‌ వెలుగులోకి వచ్చింది. పటమటలో జరిగిన ఇరువర్గాల పరస్పర దాడులను మొదట రెండు విద్యార్థి గ్రూపుల మధ్య తలెత్తిన వివాదంగా అంతా భావించారు. మీడియాలో కూడా వార్తలు వచ్చాయి. ఈ వివాదంలో సంచలన విషయాలు వెలుగు చూశాయి.

రూ.2 కోట్ల విలువైన స్థలం విషయంలోనే రెండు వర్గాల మధ్య ఘర్షణ జరిగినట్లు తెలిసింది. యనమలకుదురులో ఓ ల్యాండ్ సెటిల్‌మెంట్‌లో తోట సందీప్‌, మణికంఠ వర్గాల మధ్య గొడవ జరిగినట్లు తెలుస్తోంది. ఒకే ల్యాండ్ విషయంలో ఇద్దరు జోక్యం చేసుకోవడంతో వివాదం తలెత్తింది. రూ. 2 కోట్ల విలువైన ల్యాండ్‌ దక్కించుకునేందుకు హత్యలు చేసేందుకు ఇరు వర్గాలు స్కెచ్‌ వేశాయి.

రాజీ ముసుగులో ప్లాన్‌ అమలుకు రెండు గ్రూపులు సిద్ధమయ్యాయి. పక్కా ప్లాన్‌తోనే కత్తులు, కర్రలతో వెళ్లినట్లు పోలీసులు విచారణలో తేల్చారు. రెండు వర్గాల వారు మొదట మాట్లాడుకుంటూ.. ఒక్కసారిగా ఒకరిపై మరొకరు దాడులు చేసుకున్నారు. కత్తులు, కర్రలతో దాడులు చేసుకుంటా, రాళ్లు విసురుకుంటూ బీభత్సం సృష్టించారు. ఈ ఘర్షణలో ఒకరినొకరు కత్తులతో పొడుచుకున్నారు. దీంతో ఇద్దరు సందీప్, మరొకరు తీవ్రంగా గాయపడగా ఆస్పత్రిలో చేర్పించారు. వీరిలో సందీప్ చికిత్స పొందుతూ ఆదివారం సాయంత్రం మృతి చెందాడు. ఈ దాడులకు తెగబడ్డ వారిపై సెక్షన్‌ 307 కింద కేసు నమోదు చేశారు. దాదాపు 30 మంది ఘర్షణకు పాల్పడినట్టు గుర్తించారు. దాడుల్లో పాల్పడ్డ వారి వివరాలను పోలీసులు సేకరిస్తున్నారు.



Source link

Leave a Reply

Your email address will not be published. Required fields are marked *