vijayawada hawala racket: హవాలా గుట్టురట్టు.. రూ.10 నోటుపై నెంబరుతో రూ.35 లక్షల మార్చకుంటుండగా స్వాధీనం – vijayawada police bust hawala racket and seize rs 35 lakhs


గుట్టుచప్పుడు కాకుండా సాగుతున్న హవాలా దందాను టాస్క్‌ఫోర్స్‌ పోలీసుల బట్టబయలు చేస్తున్నాారు. ఇటీవల తెలుగు రాాష్ట్రాల్లో ఈ ముఠాల కార్యకలాపాలు ఎక్కువయ్యాయి. ఇటీవలే హైదరాబాద్‌లో ఓ ముఠాను అరెస్ట్ చేసి, రూ.3.75 కోట్లు స్వాధీనం చేసుకున్న విషయం తెలిసిందే. తాజాగా, హవాలా ముఠాను విజయవాడ పోలీసులు అదుపులోకి తీసుకున్నారు. వాట్సాప్‌లో రూ.10 నోటు బొమ్మపై నంబరును కోడ్‌గా సరిచూసుకుని, రూ.35 లక్షలు మార్చుకుంటుండగా భవానీపురం పోలీసులు శనివారం పట్టుకున్నారు. హవాలా ద్వారా నగదు మార్చుకుంటున్నట్లు తెలిసి టాస్క్‌ఫోర్స్‌ ఏడీసీపీ శ్రీనివాసరావు ఆధ్వర్యంలో పోలీసులు దాడులు చేశారు.

ఈ హవాలా రాకెట్‌లో రాజస్థాన్‌కు చెందిన సత్యేంద్రసింగ్‌ ప్రధాన సూత్రధారిగా ఉన్నట్టు గుర్తించారు. గుంటూరు జిల్లాకు చెందిన వ్యక్తికి హవాలా ద్వారా నగదు చేరవేసేందుకు ప్రయత్నిస్తుండగా అరెస్ట్ చేశారు. విజయవాడకు చెందిన రావి వెంకటనారాయణ రూ.35 లక్షల సత్యేంద్రసింగ్‌కు ఇచ్చి, ఆ నగదును పిడుగురాళ్లకు చెందిన సత్యనారాయణకు అందజేయాలని కోరాడు. దీంతో, రాజ్‌స్థాన్‌‌కు చెందిన పప్పుసింగ్‌ రహస్య కోడ్‌ను సత్యనారాయణకు పంపాడు.

వాట్సాప్‌లో రూ.10 నోటుపై ఉన్న నంబరును కోడ్‌గా సత్యేంద్రసింగ్‌కు చూపితే ఆ డబ్బు ఇస్తాడని చెప్పాడు. భవానీపురం పోలీస్‌స్టేషన్‌ పరిధిలోని పీఆర్కే బిల్డింగ్‌ దగ్గర డబ్బు తీసుకోవాలని సూచించాడు. దీంతో సత్యేంద్రసింగ్‌ వద్ద సత్యనారాయణ నగదును మార్చుకుంటుండగా పోలీసులు దాడిచేశారు. డబ్బులను స్వాధీనం చేసుకుని వారిని అదుపులోకి తీసుకున్నారు.



Source link

Leave a Reply

Your email address will not be published. Required fields are marked *