Vijayawada police : చేతులెత్తి మొక్కుతున్నాం.. బెజవాడ పోలీసులు వినూత్నంగా – vijayawada police giving awareness session to people during the morning hours during lockdown


లాక్‌డౌన్ దేశవ్యాప్తంగా కొనసాగుతోంది. వచ్చే నెల 14 వరకు ప్రజలు కచ్చితంగా ఇళ్లలో నుంచి ఎవరూ బయటకు రావొద్దని హెచ్చరికలు జారీ అయ్యాయి. నిత్యావసరాలు, కూరగాయలు కొనుగోలు చేసేందుకు ఉదయం కొంత సమయం కేటాయించగా.. ఇక సాయంత్రం ఏడు గంటల నుంచి ఉదయం ఆరు గంటల వరకు పూర్తి స్థాయి కర్ఫ్యూ వాతావరణం ఉంటోంది. ఇన్ని నిబంధనలు అమలు చేస్తున్నా కొందరు మాత్రం రోడ్డుక్కెతున్నారు. దీంతో పోలీసులు ముందు పద్దతిగా చెప్పి చూస్తున్నారు.. కొన్నిచోట్ల మాత్రం తమ లాఠీలకు పనిచెబుతున్నారు.


ఏపీలో కొన్ని ప్రాంతాల్లో పోలీసుల తీరుపై విమర్శలు వచ్చాయి. లాక్‌డౌన్ సమయంలో.. రాష్ట్రవ్యాప్తంగా కొన్నిచోట్ల పోలీసులు అకారణంగానే అమాయకుల్ని కొట్టారనే ఆరోపణలు వినిపించాయి. ఇద్దరు, ముగ్గుర్ని సస్పెండ్ చేసిన ఘటనలు ఉన్నాయి. దీంతో విజయవాడ పోలీసులు పద్దతి మార్చారు.. ప్రజలకు వినూత్నంగా అవగాహన కల్పిస్తున్నారు. కాస్త ఫ్రెండ్లీ పోలీసింగ్ టచ్ ఇచ్చారు.

శనివారం ఉదయం పోలీసులు సిగ్నల్స్ దగ్గర రోడ్లపైకి వచ్చిన వాహనదారులకు చేతులెత్తి నమస్కరించారు. దయచేసి రోడ్లపైకి రావొద్దంటూ దండం పెట్టారు. ఇంటి నుంచి ఒక్కరు మాత్రం రోడ్లపైకి రావాలని కోరారు. ఇంట్లోనే సురక్షితంగా ఉండాలని సూచిస్తున్నారు. ఈ వీడియోను సోషల్ మీడియాలో పోస్ట్ చేసి అందరికి అవగాహన కల్పించే ప్రయత్నం చేస్తున్నారు.





Source link

Leave a Reply

Your email address will not be published. Required fields are marked *