vineeth brijlal: ‘మద్యం, ఇసుక అక్రమ రవాణాపై ఉక్కుపాదం.. ఇక ఆస్తుల జప్తులే..’ – special enforcement bureau commissioner vineeth brijlal press meet in vijayawada over sand, liquor mafia


రాష్ట్రంలో ఇసుక, మద్యం అక్రమ రవాణా కట్టడిపై ప్రత్యేక దృష్టి పెట్టామని స్పెషల్‌ ఎన్‌ఫోర్స్‌మెంట్‌ బ్యూరో కమిషనర్ వినీత్ బ్రిజ్‌లాల్‌ వెల్లడించారు. ఇసుక, మద్యం అక్రమ రవాణాకు పాల్పడుతూ దొరికితే ఇకపై ఆస్తుల జప్తునకు సైతం వెనుకాడబోమని హెచ్చరించారు. రాష్ట్ర సరిహద్దుల్లో ముమ్మరంగా తనిఖీలు చేపడుతూ ఇసుక, మద్యం అక్రమ రవాణాకు అడ్డుకట్ట వేస్తున్నట్లు చెప్పారు. ఈ మేరకు విజయవాడలో శనివారం ఆయన మీడియాతో మాట్లాడుతూ.. ఇసుక, మద్యం అక్రమ రవాణాకు అడ్డుకట్ట వేసేందుకు సాంకేతిక పరిజ్ఞానాన్ని సైతం వినియోగించుకుంటున్నట్లు పేర్కొన్నారు.

రాత్రివేళల్లో గస్తీని ముమ్మరం చేసి ప్రత్యేక నిఘా వ్యవస్థతో మెరుపు దాడులు చేస్తున్నట్లు వినీత్ బ్రిజ్‌లాల్‌ చెప్పారు. ఇసుక, మద్యం అక్రమ రవాణా విషయంలో అధికారులు ఎన్ని చర్యలు తీసుకుంటున్నప్పటికీ ప్రజల సహకారం తప్పకుండా ఉండాలన్నారు. రాష్ట్ర వ్యాప్తంగా అక్రమ మద్యం, ఇసుక రవాణా విషయంలో ఇప్పటివరకు మొత్తం 485 కేసులు నమోదు కాగా, 955 మందిపై కేసులు పెట్టినట్లు తెలిపారు.

అలాగే 730 వాహనాలను సీజ్‌ చేసి 29,629 టన్నుల ఇసుక స్వాధీనం చేసుకున్నట్లు కమిషనర్ వినీత్ బ్రిజ్‌లాల్‌ వివరించారు. ఇసుక, మద్యం అక్రమ రవాణాలో పట్టుబడితే కఠిన చర్యలు తీసుకుంటామని.. పాత నేరగాళ్లు అయితే పీడీ యాక్టు ప్రయోగిస్తామని హెచ్చరించారు. నిబంధనలు ఉల్లంఘించే వారిపై రౌడీషీట్స్‌ తెరిచే యోచనలో ఉన్నట్లు కమిషనర్ తెలిపారు. వారి ఆస్తులను సైతం జప్తు చేసేందుకు వెనకాడబోమని స్పష్టం చేశారు.



Source link

Leave a Reply

Your email address will not be published. Required fields are marked *