virat kohli: ఐపీఎల్‌లో షేన్‌వార్న్ నన్ను ఫూల్ చేశాడు: విరాట్ కోహ్లీ – former australian spinner shane warne made me look like a ‘fool’ during 2009 ipl: virat kohli


ఐపీఎల్ 2009 సీజన్‌లో ఆస్ట్రేలియా దిగ్గజ స్పిన్నర్ షేన్‌వార్న్ తనని ఫూల్ చేశాడని భారత కెప్టెన్ విరాట్ కోహ్లీ వెల్లడించాడు. రాయల్ ఛాలెంజర్స్ బెంగళూరు తరఫున విరాట్ కోహ్లీ ఆడుతుండగా.. రాజస్థాన్ రాయల్స్ టీమ్‌కి అప్పట్లో షేన్‌వార్న్ ప్రాతినిథ్యం వహించాడు. అయితే.. ఐపీఎల్ 2011లో వార్న్ లెక్కసరిచేశానని చెప్పుకొచ్చిన కోహ్లీ.. డెత్ ఓవర్లలో షేన్‌వార్న్, వఖార్ యూనిస్ ఇద్దరూ మెరుగ్గా బౌలింగ్ చేస్తారని కొనియాడాడు.

భారత ఫుట్‌బాల్ టీమ్ కెప్టెన్ సునీల్ ఛైత్రితో ఇన్‌స్టాగ్రామ్ లైవ్ సెషన్‌లో విరాట్ కోహ్లీ మాట్లాడుతుండగా.. ఛైత్రి రాపిడ్ ఫైర్ ప్రశ్నలు వేశాడు. ఈ క్రమంలో ‘‘చివరి బంతికి మూడు పరుగులు కావాలి. ఆ సమయంలో ఏ బౌలర్‌ని నువ్వు ఎంచుకుంటావు. నేను రెండు ఆప్షన్స్ ఇస్తాను.. షేన్‌వార్న్, వఖార్ యూనిస్’’ అని ఛైత్రి వెల్లడించాడు. దాంతో.. విరాట్ కోహ్లీ సమాధానమిస్తూ ‘‘ఫస్ట్‌ షేన్‌‌వార్న్.. అతను డెత్ ఓవర్లలో కఠినంగా బౌలింగ్ చేస్తాడు. ఇక సెకండ్ వఖార్ యూనిస్. అతను సంధించే యార్కర్లని అడ్డుకుని నేను స్కోరు రాబట్టగలను’’ అని చెప్పుకొచ్చాడు.

ఆ తర్వాత షేన్‌వార్న్‌తో తాను కొనసాగించిన ఆధిపత్య పోరు గురించి సరదాగా విరాట్ కోహ్లీ వెల్లడించాడు. ‘‘ఐపీఎల్ 2009 సీజన్‌లో షేన్‌వార్న్ నన్ను ఫూల్ చేశాడు. కానీ.. 2011 సీజన్‌లో అతనికి నేను ఆ ఛాన్స్ ఇవ్వలేదు. అలా అని వార్న్ బౌలింగ్‌లో ధారాళంగా పరుగులు కూడా రాబట్టలేకపోయాను. ఆ రోజు మ్యాచ్ ముగిసిన తర్వాత నా దగ్గరకి వచ్చిన వార్న్.. బౌలర్‌‌పై మాటల యుద్ధానికి దిగొద్దని సూచించాడు. కానీ.. నేను అతడి మాటల్ని పట్టించుకోకుండా నవ్వుకుంటూ వచ్చేశా’’ అని కోహ్లీ గుర్తు చేసుకున్నాడు.



Source link

Leave a Reply

Your email address will not be published. Required fields are marked *