virat kohli : ఐపీఎల్‌: తప్పులో కాలేసిన ఢిల్లీ.. కోహ్లీ బదులుగా.. – ipl franchise delhi daredevils ignores indian captain virat kohli in 2008


ఐపీఎల్ ఆరంభ‌మైన‌ప్ప‌టి 12 సీజన్లపాటు రాయ‌ల్ చాలెంజ‌ర్స్ బెంగ‌ళూరు త‌ర‌పున విరాట్ కోహ్లీ ఆడుతున్నాడు. 2013 నుంచి అత‌ను జ‌ట్టుకు నేతృత్వం వ‌హిస్తున్నాడు.

Subani Shaik |
Samayam Telugu | Updated:

Virat Kohli

భార‌త క్రికెట్‌లో విరాట్ కోహ్లీ పేరుకున్న వైబ్రేష‌న్ సంగ‌తి తెలిసిందే. లెజెండ‌రీ క్రికెట‌ర్ స‌చిన్ టెండూల్క‌ర్ త‌ర్వాత ఆ స్థాయి ఫ్యాన్ బేస్ ఉన్న స్టార్ క్రికెట‌ర్ల‌లో త‌నొక‌డు. ఇక ఐపీఎల్లో అత‌ని ప్ర‌ద‌ర్శ‌న గురించి ఎంత చెప్పుకున్నా త‌క్కువే. టోర్నీలోనే అత్య‌ధిక పారితోషికం (రూ.17 కోట్లు) తీసుకుంటున్న ప్లేయ‌ర్ కోహ్లీనే. 2008లో లీగ్ ప్రారంభ‌మైన త‌ర్వాత ఒకే జ‌ట్టు త‌ర‌పున ఆడుతున్న అతి తక్కువ క్రికెటర్ల‌తో త‌నొక‌డు. అలాంటి కోహ్లీని ఆరంభ‌సీజ‌న్‌లో ఢిల్లీ డేర్‌డెవిల్స్ (ఇప్పుడు ఢిల్లీ క్యాపిట‌ల్స్‌) ఇగ్నోర్ చేసిన విష‌యం తాజాగా వెలుగులోకి వ‌చ్చింది.


Read Also: ‘ఇండో-పాక్’ కరోనా సిరీస్.. అక్తర్‌పై క‌పిల్ ఫైర్‌


2008లో ఐపీఎల్ వేలానికి ముందు భార‌త అండ‌ర్‌-19 జ‌ట్టులోని ఆట‌గాళ్ల‌ను ఎంపిక చేసుకునే వెసులుబాటును ఫ్రాంచైజీల‌కు బీసీసీఐ క‌ల్పించింది. తొలుత చాన్స్ ద‌క్కించుకున్న ఢిల్లీ.. కోహ్లీని కాద‌నుకుని ప్ర‌దీప్ సాంగ్వాన్‌ను తీసుకుంది. ఆల్‌రౌండ‌ర్ కావ‌డంతోపాటు, అండ‌ర్‌-19 ఫైన‌ల్లో చ‌క్క‌ని ప్ర‌ద‌ర్శ‌న క‌న‌బర్చినందుకు త‌న‌ను ఎంపిక చేసుకుంది.

Read Also: వెల్‌డన్ స‌న్‌రైజ‌ర్స్.. భారీ విరాళంపై వార్నర్


ఆ త‌ర్వాత రంగంలోకి దిగిన రాయ‌ల్ చాలెంజ‌ర్స్ బెంగ‌ళూరు.. ఏమాత్రం ఆల‌స్యం చేయ‌కుండా కోహ్లీని ఎంపిక చేసుకుంది. ఇక తొలి రెండు ఎడిష‌న్ల‌లో కోహ్లీ విఫ‌ల‌మైనా, త‌న‌కు అండ‌గా నిలిచింది. ఇక ఆ త‌ర్వాత సీజ‌న్ నుంచి కోహ్లీ స‌త్తాచాటాడు. 2011లో టీమ్ రిటైన్ చేసుకున్న ఏకైక ఆట‌గాడు కోహ్లీనే కావ‌డం విశేషం. 2013 నుంచి ఆర్సీబీకి నాయ‌క‌త్వం వ‌హిస్తున్న కోహ్లీ.. 110 టీ20ల్లో 49 మ్యాచ్‌ల్లో జ‌ట్టును గెలిపించాడు. త‌న సార‌థ్యంలోనే ఆర్సీబీ 2016 ఫైన‌ల్లో ఆడింది. స‌న్‌రైజ‌ర్స్ చేతిలో ఓడిపోయింది.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title ipl franchise delhi daredevils ignores indian captain virat kohli in 2008

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *