virat kohli: కోహ్లీకి ఆ స్టామినా ఉంది.. 40లోనూ ఆడతాడు: మాజీ క్రికెటర్ జోస్యం – former indian wicketkeeper deep dasgupta believes virat kohli can play till the early 40s


టీమిండియా కెప్టెన్ విరాట్ కోహ్లీ తన 40 ఏళ్ల వయసులోనూ మెరుగ్గా క్రికెట్ ఆడగలడని భారత మాజీ వికెట్ కీపర్ దీప్ దేశ్‌గుప్తా జోస్యం చెప్పాడు. 31 ఏళ్ల విరాట్ కోహ్లీ ప్రస్తుతం భారత క్రికెట్‌లోనే అత్యుత్తమ ఫిట్‌నెస్ ఉన్న ఆటగాడిగా కితాబులందుకుంటున్నాడు. ఫిట్‌‌‌నెస్ పరంగానే కాకుండా మానసికంగానూ కోహ్లీ మెరుగ్గా ఉండటంతో అతను తాను ఆశించిన రోజులు క్రికెట్ ఆడే అవకాశాలు పుష్కలంగా ఉన్నాయని దేశ్‌గుప్తా చెప్పుకొచ్చాడు.

Read More: కోహ్లీ బెస్ట్ బ్యాట్స్‌మెన్ కావొచ్చు.. కానీ రోహిత్ శర్మే గొప్ప: గంభీర్

వాస్తవానికి భారత్ జట్టులోకి వచ్చిన కొత్తలో విరాట్ కోహ్లీ ఇప్పుడున్నంత ఫిట్‌గా లేడు. 2008లో అంతర్జాతీయ క్రికెట్‌లోకి ఎంట్రీ ఇచ్చిన కోహ్లీ 2012 నుంచి ఫిట్‌నెస్‌పై ప్రత్యేక శ్రద్ధ కనబర్చాడు. ఈ క్రమంలో పూర్తిగా శాఖాహారిగా మారిపోయిన కోహ్లీ.. సిరీస్‌లు లేకపోయినా జిమ్‌లో రెగ్యులర్‌గా కసరత్తులు చేస్తూ కనిపిస్తుంటాడు. భారత్ తరఫున 86 టెస్టులు, 248 వన్డేలాడిన విరాట్ కోహ్లీ ఇప్పటికే 70 సెంచరీలు నమోదు చేసి.. సచిన్ టెండూల్కర్ 100 శతకాల రికార్డ్‌ని బ్రేక్ చేయగలిగే సామర్థ్యం ఉన్న ఏకైక క్రికెటర్‌గా కొనసాగుతున్నాడు.

Read More: ధోనీ లేకపోతే టీ20ల్లో కీపింగ్‌కి అతనే కరెక్ట్: దేశ్ గుప్త

ఇన్‌స్టాగ్రామ్ సెషన్‌లో దీప్ దేశ్‌గుప్తా మాట్లాడుతుండగా.. విరాట్ కోహ్లీ భవితవ్యం గురించి చర్చ తెరపైకి వచ్చింది. దాంతో.. దే‌శ్‌గుప్తా మాట్లాడుతూ ‘‘ఫిజికల్‌గా విరాట్ కోహ్లీ ప్రస్తుతం తిరుగులేని స్థితిలో ఉన్నాడు. ప్రస్తుతం అతని వయసు 31ఏళ్లే కాబట్టి.. కనీసం ఐదారు సంవత్సరాలు అలవోకగా క్రికెట్ ఆడేస్తాడు. నా అంచనా ప్రకారం మరో పదేళ్లు కోహ్లీ క్రికెట్ ఆడే అవకాశాలు పుష్కలంగా ఉన్నాయి. అతని ఫిట్‌నెస్, మానసిక సామర్థ్యం ఇప్పుడు అలా ఉంది మరి’’ అని దేశ్‌గుప్తా వెల్లడించాడు.



Source link

Leave a Reply

Your email address will not be published. Required fields are marked *