virat kohli: కోహ్లీతో బాబర్ అజామ్ పోలిక సరికాదు: యూనిస్ ఖాన్ – former pakistan skipper younis khan refused to compare virat kohli and babar azam


భారత కెప్టెన్ విరాట్ కోహ్లీతో పాకిస్థాన్ పరిమిత ఓవర్ల (వన్డే, టీ20) కెప్టెన్ బాబర్ అజామ్‌ని పోల్చడం సరికాదని పాకిస్థాన్ మాజీ బ్యాట్స్‌మెన్ యూనిస్ ఖాన్ అభిప్రాయపడ్డాడు. 2008లో అంతర్జాతీయ క్రికెట్‌లోకి అరంగేట్రం చేసిన విరాట్ కోహ్లీ ఇప్పటి వరకూ 86 టెస్టులు, 248 వన్డేలు, 81 టీ20 మ్యాచ్‌లాడాడు. ఈ క్రమంలో ఇప్పటికే 70 అంతర్జాతీయ శతకాలు సాధించిన కోహ్లీ.. సచిన్ టెండూల్కర్ 100 సెంచరీల రికార్డ్‌ని బ్రేక్ చేయగల సామర్థ్యం ఉన్న క్రికెటర్‌గా కితాబులు అందుకుంటున్నాడు. మరోవైపు 2015లో పాకిస్థాన్‌ జట్టులోకి ఎంట్రీ ఇచ్చిన బాబర్ అజామ్ 26 టెస్టులు, 74 వన్డేలు, 38 టీ20లాడి.. 16 సెంచరీలు నమోదు చేశాడు.

Read More: కోహ్లీ, జ‌డేజా ఫిట్‌నెస్‌ను కొనియాడిన జాంటీ రోడ్స్

పాకిస్థాన్ జట్టులో గత కొంతకాలంగా నిలకడగా రాణిస్తున్న బాబర్ అజామ్‌ని ఆ దేశ అభిమానులు ముద్దుగా.. పాక్ విరాట్ కోహ్లీ అని అభివర్ణిస్తున్నారు. అయితే.. 12 ఏళ్ల అంతర్జాతీయ క్రికెట్ అనుభవం ఉన్న కోహ్లీతో కేవలం ఐదేళ్ల నుంచి ఇంటర్నేషనల్ క్రికెట్ ఆడుతున్న బాబర్‌ని పోల్చడం సరికాదని యూనిస్ చెప్పుకొచ్చాడు. ఈ ఏడాది నవంబరులో విరాట్ కోహ్లీ 32వ పడిలోకి పెట్టనుండగా.. బాబర్ అజామ్ వయసు 25 ఏళ్లే.

Read More: ఆఫ్రిది లిమిట్స్‌‌లో ఉంటే మంచిది: హ‌ర్భ‌జ‌న్ ఫైర్‌

‘‘విరాట్ కోహ్లీ కెరీర్ పరంగా ఇప్పుడు అత్యుత్తమ దశలో ఉన్నాడు. అలానే దశాబ్దకాలంగా అంతర్జాతీయ క్రికెట్‌లో ఆడుతూ మూడు ఫార్మాట్లలోనూ తానేంటో నిరూపించుకున్నాడు. కోహ్లీ సాధించిన 70 సెంచరీలు.. అతని బ్యాటింగ్ సామర్థ్యాన్ని నిదర్శనం. ఇక బాబర్ అజామ్ అంటారా..? అతను ఇంటర్నేషనల్ క్రికెట్‌లోకి ఎంట్రీ ఇచ్చి ఐదేళ్లే అవుతుంది. అయినప్పటికీ వన్డే, టెస్టుల్లో అతను మంచి సగటుని కొనసాగిస్తూ 16 సెంచరీలు నమోదు చేశాడు. ఒకవేళ ఇద్దరి మధ్య ఇప్పుడు పోలిక తేవాలంటే..? విరాట్ కోహ్లీ ఫస్ట్ ఐదేళ్లతో బాబర్ అజామ్‌ని పోల్చండి’’ అని యూనిస్ సూచించాడు.



Source link

Leave a Reply

Your email address will not be published. Required fields are marked *