virat kohli: కోహ్లీ ఆదాయం రూ.196 కోట్లు.. ఫోర్బ్స్‌లో ఏకైక భారత అథ్లెట్ – india captain virat kohli only cricketer in forbes’ top 100 highest-paid athletes of 2020


భారత కెప్టెన్ విరాట్ కోహ్లీ ఆటలోనే కాదు ఆదాయంలోనూ తనకి తిరుగులేదని మరోసారి నిరూపించాడు. వరల్డ్‌లో అత్యధికంగా ఆర్జిస్తున్న 100 మంది స్పోర్ట్స్ పర్సన్స్‌‌తో తాజాగా ఫోర్బ్స్ ఓ జాబితాని ప్రకటించగా.. విరాట్ కోహ్లీ రూ. 196 కోట్ల ఆదాయంతో 66వ స్థానంలో నిలిచాడు. ఈ లిస్ట్‌లో భారత్ నుంచి విరాట్ కోహ్లీకి మాత్రమే చోటు లభించగా.. 2019 ఫోర్బ్స్ లిస్ట్‌లో అతను 100వ స్థానంలో ఉండటం కొసమెరుపు. ఇక ఈ ఏడాది నెం.1 స్థానాన్ని స్విస్ టెన్నిస్ క్రీడాకారుడు రోజర్ ఫెదరర్ రూ. 801 కోట్ల ఆదాయంతో చేజిక్కించుకోగా.. ఓ టెన్నిస్ ప్లేయర్ ఫోర్బ్స్‌లో అగ్రస్థానంలో నిలవడం ఇదే ఫస్ట్ టైమ్.

Read More: బౌలర్‌కి హెల్ప్ చేసేందుకు ధోనీ నిరాకరణ.. కారణం చెప్పిన భజ్జీ

బీసీసీఐ సెంట్రల్ కాంట్రాక్ట్ రూపంలో అక్టోబరు 2019 నుంచి సెప్టెంబరు 2020 మధ్యకాలానికి సంబంధించి విరాట్ కోహ్లీకి రూ. 7 కోట్లు అందనున్నాయి. ఇవే కాకుండా ప్రైజ్‌మనీ, మ్యాన్ ఆఫ్ ద మ్యాచ్, మ్యాన్ ఆఫ్ ద సిరీస్ రూపంలో మరో రూ. 7 కోట్లు వరకూ అతను ఆర్జించే అవకాశం ఉంది. ఇక ఆడీ, కొల్గేట్, ప్లిప్‌కార్ట్, పూమా, ఉబర్ తదితర కంపెనీలకి ప్రచారకర్తగా ఉన్న విరాట్ కోహ్లీ సుమారు రూ. 170-180 కోట్ల ఆదాయాన్ని గడిస్తున్నాడు.

Read More: ఐపీఎల్ 2020 విజేత మళ్లీ ఆ జట్టే.. CSKకి షాకిచ్చిన శ్రీశాంత్

ఫోర్బ్స్ తాజా జాబితాలో విరాట్ కోహ్లీ ఆదాయాన్ని 2019, జూన్ 1 నుంచి 2020, జూన్ 1 మధ్యకాలానికి సంబంధించే పరిగణలోకి తీసుకుంది. ఒకవేళ కరోనా వైరస్ కారణంగా క్రికెట్ సిరీస్‌లు, ఐపీఎల్ 2020 సీజన్ వాయిదాపడకుండా ఉండింటే..? అతని ఆదాయం మరింత పెరిగేది.



Source link

Leave a Reply

Your email address will not be published. Required fields are marked *