virat kohli: దేశం ఫస్ట్.. విరాట్ కోహ్లీ అలా ఆడటమే కరెక్ట్: హాకీ మాజీ కెప్టెన్ – dhanraj pillay expresses fondness for virat kohli


టీమిండియా కెప్టెన్ విరాట్ కోహ్లీ మైదానంలో దూకుడుగా ఉండటాన్ని తాను సమర్థిస్తున్నానని భారత హాకీ టీమ్ మాజీ కెప్టెన్ ధనరాజ్ పిళ్లే వెల్లడించాడు. 2008లో జరిగిన అండర్ -19 ప్రపంచకప్‌లో కెప్టెన్‌గా తన దూకుడుతో సహచరుల్లో ఉత్సాహం నింపిన విరాట్ కోహ్లీ.. యువ జట్టుని విజేతగా నిలిపాడు. ఆ తర్వాత టీమిండియాలో ఎంట్రీ ఇచ్చినా.. అతని దూకుడు మాత్రం తగ్గలేదు. ఇంకా చెప్పాలంటే.. భారత్ జట్టుకి పూర్తి స్థాయిలో కెప్టెన్‌గా మారిన తర్వాత మైదానంలో కోహ్లీ దూకుడు రెట్టింపు అయ్యిందనే అభిప్రాయాలు వినిపిస్తున్నాయి. కోహ్లీ దూకుడుని చూస్తుంటే నన్ను నేను చూసుకున్నట్లుందని ధనరాజ్ చెప్పుకొచ్చాడు.

1998 ఆసియా గేమ్స్‌లో కెప్టెన్‌గా భారత్ హాకీ జట్టుని నడిపించిన ధనరాజ్.. టీమ్‌కి గోల్డ్‌‌మెడల్ అందించాడు. ఇప్పటికీ భారత్ తరఫున అత్యధిక గోల్స్ సాధించిన హాకీ ప్లేయర్‌గా ఉన్న ధనరాజ్.. 2004లో రిటైర్మెంట్ ప్రకటించాడు. గ్రౌండ్‌లోకి వెళ్లి దేశం కోసం పోరాడాలి.. గెలవాలి. అంతేతప్ప ఏదో.. వెళ్లాం.. ఆడాం అనేలా ఉండకూడదని ఈ హాకీ దిగ్గజం సూచించాడు.

‘‘విరాట్ కోహ్లీని టీవీలో చూస్తే.. దూకుడు విషయంలో అతను నాలానే ఉన్నాడనిపిస్తోంది. దేశం తరఫున ఆడే సమయంలో.. దేశం ఫస్ట్.. ఆ తర్వాతే నీ పేరు, రాష్ట్రం, మతం. ఈ నినాదానికి విరాట్ కోహ్లీ ప్రతీకగా కనిపిస్తున్నాడు. సహచరుల్లో స్ఫూర్తినింపడం ఎలాగో..? కోహ్లీకి బాగా తెలుసు. ఇక మైదానంలో మంచి వాళ్లు.. చెడ్డవాళ్లు అని ఏమీ ఉండరు. ఎవరైనా దేశాన్ని గెలిపించడానికి ఫైట్ చేయాల్సిందే. మైదానంలోకి వెళితే.. ప్రతి మ్యాచ్‌ గెలవాలి. అంతేతప్ప.. ఏదో వెళ్లాం.. ఆడాం.. అని అనిపించకూడదు. ఇప్పుడు దేశం మొత్తం కోహ్లీ ఆటతీరుని చూస్తోంది. ఎందుకంటే.. మన దేశంలో క్రికెట్ చాలా పాపులర్’’ అని ధనరాజ్ వెల్లడించాడు.



Source link

Leave a Reply

Your email address will not be published. Required fields are marked *