virat kohli: ధోనీ నా ప్లాన్స్‌ని వ్యతిరేకించాడు.. కానీ ఆఖరిగా కెప్టెన్సీ ఇచ్చాడు: కోహ్లీ – virat kohli credits ms dhoni for his elevation to captaincy role


టీమిండియా కెప్టెన్సీ బదిలీ మహేంద్రసింగ్ ధోనీ నుంచి విరాట్ కోహ్లీకి సాఫీగా జరిగిపోయింది. భారత్ జట్టుకి కెప్టెన్‌‌‌గా 2007లో టీ20 ప్రపంచకప్, 2011లో వన్డే ప్రపంచకప్, 2013 ఛాంపియన్స్ ట్రోఫీని అందించిన ధోనీ.. తన వారసుడిగా విరాట్ కోహ్లీ చేతికి పగ్గాలందించాడు. ఆ నిర్ణయంపై ఎలాంటి వివాదాలు, విమర్శలు, చర్చలు ఏవీ కనబడలేదు. దానికి కారణం విరాట్ కోహ్లీ ఆ కెప్టెన్సీకి అర్హుడని అందరూ భావించడమే.

Read More:రాజీవ్‌గాంధీ ఖేల్‌రత్న అవార్డుకి రోహిత్ శర్మ నామినేట్
వాస్తవానికి కెప్టెన్సీ బదిలీ వ్యవహారం ఒక్కరోజులే ఏమీ జరిగిపోలేదు. దాదాపు ఆరేడేళ్ల పాటు తన సామర్థ్యాన్ని నిశితంగా పరిశీలించిన ధోనీ.. ఆఖరిగా బాధ్యతలు అప్పగించినట్లు విరాట్ కోహ్లీనే స్వయంగా వెల్లడించాడు. టీమిండియా సీనియర్ ఆఫ్ స్పిన్నర్ రవిచంద్రన్ అశ్విన్‌తో ఇన్‌స్టాగ్రామ్ లైవ్ సెషన్‌లో మాట్లాడిన కోహ్లీ.. పలు ఆసక్తికరమైన విషయాల్ని అతనితో పంచుకున్నాడు. కెప్టెన్‌గా ధోనీ కొన్ని సార్లు తన ఆలోచనల్ని వ్యతిరేకించాడని గుర్తు చేసుకున్న కోహ్లీ.. అతని నుంచి కెప్టెన్సీపరంగా చాలా విషయాల్ని నేర్చుకున్నట్లు వెల్లడించాడు.

Read More: IPL: ధోనీ విషయంలో ధైర్యం చేయలేకపోయిన RCB

‘‘ధోనీ పక్కన స్లిప్‌లో ఫీల్డింగ్‌ చేసే సమయంలో.. మనం ఈ వ్యూహంతో వెళ్దామా..? అని తరచూ అడిగేవాడ్ని. కొన్ని సందర్భాల్లో నా ప్లాన్స్‌ని ధోనీ వ్యతిరేకించాడు. కానీ.. చాలా సందర్భాల్లో నాతో చర్చలు జరిపేవాడు. ఆ క్రమంలో నేను కెప్టెన్సీకి తగినవాడినని ధోనీ భావించాడు. అలా అని కెప్టెన్సీ బదిలీ వ్యవహారం రాత్రికి రాత్రే ఏమీ జరిగిపోలేదు. దాదాపు ఆరేడేళ్లపాటు ధోనీ నా తీరుని పరిశీలించి.. నమ్మకం వచ్చిన తర్వాతే బాధ్యతలు అప్పగించాడు’’ అని కోహ్లీ వెల్లడించాడు.



Source link

Leave a Reply

Your email address will not be published. Required fields are marked *