virat kohli: నా కెరీర్‌ను ట‌ర్న్ చేసింది అత‌నే: విరాట్ కోహ్లీ – indian captain virat kohli praises former strength and conditioning coach shanker basu


భార‌త కెప్టెన్ విరాట్ కోహ్లీ.. ఫిట్‌నెస్‌పై చాలా కేర్ తీసుకుంటాడ‌నే సంగ‌తి అంద‌రికీ తెలిసిందే. స‌మ‌కాలీన క్రికెట్‌లో అత్యంత ఫిట్టెస్ట్ క్రికెట‌ర్ కోహ్లీనేనని తాజాగా సౌతాఫ్రికా మాజీ ప్లేయ‌ర్, మేటీ ఫీల్డ‌ర్ జాంటీ రోడ్స్ ప్ర‌శంసించిన సంగ‌తి తెలిసిందే. అయితే త‌న‌లో ఇలా ఫిట్‌నెస్‌పై ఆస‌క్తి పెంచింది ఎవ‌రో తాజాగా కోహ్లీ వివ‌రించాడు. అత‌ని కార‌ణంగానే త‌న కెరీర్ మ‌లుపు తిరిగింద‌ని ఈ సంద‌ర్భంగా వ్యాఖ్యానించాడు. తాజాగా భార‌త స్టార్ ఫుట్‌బాల‌ర్ సునీల్ చెత్రితో సోష‌ల్ మీడియాతో మాట్లాడుతూ త‌న మ‌న‌సులోని మాట‌లు చెప్పుకొచ్చాడు.


భార‌త మాజీ స్ట్రెంత్ అండ్ కండిష‌నింగ్ కోచ్ శంక‌ర్ బ‌స్ కార‌ణంగానే త‌న‌లో ఫిట్‌నెస్‌పై మ‌రింత శ్ర‌ద్ధ పెరిగింద‌ని కోహ్లీ చెప్పుకొచ్చాడు. తొలిసారిగా రాయ‌ల్ చాలెంజ‌ర్స్ బెంగ‌ళూరు (ఆర్సీబీ) జ‌ట్టులో బ‌సును చూశాన‌ని, అప్ప‌ట్లో ట్రైనింగ్‌లో భాగంగా లిఫ్టింగ్‌ను ప్ర‌వేశ‌పెట్టాడ‌ని గుర్తు చేసుకున్నాడు. తొలిసారి లిఫ్టింగ్‌ను చేసేందుకు చాలా క‌ష్ట‌ప‌డ్డాన‌ని, అయితే కొన్ని రోజుల త‌ర్వాత దాని ఫ‌లితాలు త‌నకు అర్ధ‌మ‌య్యాయ‌ని పేర్కొన్నారు. అలాగే త‌న డైట్‌పై కూడా దృష్టి సారించడంతో మ‌రిన్ని సానుకూల ఫ‌లితాలు సాధించాన‌ని వ్యాఖ్యానించాడు.


మ‌రోవైపు దేశం త‌ర‌పున ఆడే క్ర‌మంలో నిత్యం హార్డ్‌వ‌ర్క్ చేయాల్సిన అవ‌స‌ర‌ముంద‌ని కోహ్లీ వ్యాఖ్యానించాడు. అలా ఉండ‌ని వారు త‌ప్పుకోవాల‌ని అన్నాడు. ఇక తాను ఆడినంత కాలం ఫిట్‌నెస్‌పైనే దృష్టి పెడుతాన‌ని తెలిపాడు. మ‌రోవైపు భారత జ‌ట్టులోనే ప్ర‌పంచ‌వ్యాప్తంగా క్రికెట‌ర్ల‌లో ఫిట్‌నెస్‌పై కోహ్లీ ఎంతో అవ‌గాహ‌న క‌ల్పించాడు. ర‌వీంద్ర జ‌డేజా, కేఎల్ రాహుల్‌, హార్దిక్ పాండ్యా, సురేశ్ రైనా, జ‌స్‌ప్రీత్ బుమ్రా త‌దిత‌రులు కోహ్లీ కారణంగానే ఫిట్‌నెస్‌పై ఇన్‌స్పైర్ అయ్యారు.



Source link

Leave a Reply

Your email address will not be published. Required fields are marked *