virat kohli: భారత్‌లో విరాట్ కోహ్లీ – రోహిత్ శర్మ బెస్ట్ జోడీ..! : సంగక్కర – rohit sharma -virat kohli defining pair for india in modern era feels kumar sangakkara


టీమిండియా కెప్టెన్ విరాట్ కోహ్లీ, వైస్ కెప్టెన్ రోహిత్ శర్మది అత్యుత్తమ జోడీ అని శ్రీలంక దిగ్గజ క్రికెటర్ కుమార సంగక్కర కొనియాడాడు. మూడు ఫార్మాట్లలో కలిపి ఇప్పటి వరకూ రోహిత్, విరాట్ కోహ్లీ 35,930 పరుగులు చేయగా.. 1990- 2000లో ఇదే తరహాలోనే భారత్ తరఫున సౌరవ్ గంగూలీ, రాహుల్ ద్రవిడ్ ఆధిపత్యం చెలాయించారని సంగక్కర గుర్తుచేసుకున్నాడు.

‘‘విరాట్ కోహ్లీ, రోహిత్ శర్మ చాలా స్పెషల్ క్రికెటర్లు. అయితే.. మునుపటితో పోలిస్తే వన్డే క్రికెట్‌లో రూల్స్ మారాయి. కాబట్టి.. పరుగులు సాధించడం సులువవుతోంది. కానీ.. భారత క్రికెట్‌ని ఈ స్థాయికి తీసుకురావడానికి కోహ్లీ, రోహిత్ జోడీ చాలా శ్రమించింది. ప్రస్తుత క్రికెట్‌లో అత్యుత్తమ జోడీ అంటే..? రోహిత్ – కోహ్లీ జంటే. గతంలో రాహుల్ ద్రవిడ్, సౌరవ్ గంగూలీ.. చాలా అందంగా షాట్స్ ఆడేవారు. టెక్నికల్‌గానూ వాళ్లు చాలా మెరుగ్గా ఉండేవారు. ఇప్పుడు అదే తరహాలో కోహ్లీ – రోహిత్ జోడీ.. ప్రత్యర్థి టీమ్‌పై ఆధిపత్యం చెలాయిస్తోంది’’ అని సంగక్కర వెల్లడించాడు.

2019 వన్డే ప్రపంచకప్‌లో ఐదు సెంచరీలు నమోదు చేసిన రోహిత్ శర్మ.. 2019కిగానూ ఐసీసీ వన్డే ప్లేయర్ ఆఫ్ ద ఇయర్ అవార్డుని గెలుచుకున్నాడు. ఇక కెప్టెన్ విరాట్ కోహ్లీ వన్డే, టెస్టులతో పాటు టీ20ల్లోనూ నిలకడగా రాణిస్తూ ఇప్పటికే 70 సెంచరీలను నమోదు చేశాడు. సచిన్ టెండూల్కర్ నెలకొల్పిన 100 శతకాల రికార్డ్‌ని బ్రేక్ చేయగల సామర్థ్యం ఉన్న ఏకైక క్రికెటర్‌గా ప్రస్తుతం కోహ్లీ కొనసాగుతున్నాడు.



Source link

Leave a Reply

Your email address will not be published. Required fields are marked *