virat kohli: లాక్‌డౌన్‌లో చాహల్ ఓ పెద్ద జోకర్‌గా మారాడు: విరాట్ కోహ్లీ – chahal has been the biggest joker for me in this lockdown: virat kohli


కరోనా వైరస్ క్రీడారంగాన్ని కుదిపేసింది. వైరస్ వ్యాప్తితో ప్రపంచవ్యాప్తంగా క్రికెట్ సిరీస్‌లన్నీ రద్దవడం, వాయిదాపడటం జరిగిపోగా.. ఆటగాళ్లు పూర్తిగా ఇళ్లకే పరిమితమయ్యారు. అయితే.. కొంత మంది మాత్రం ఇన్‌స్టాగ్రామ్ లైవ్ సెషన్స్‌తో అభిమానులతో టచ్‌లో ఉండే ప్రయత్నం చేశారు. కానీ.. భారత మణికట్టు స్పిన్నర్ చాహల్ మాత్రం వరుస టిక్‌టాక్ వీడియోలతో విమర్శలపాలయ్యాడు.

ఎంతలా అంటే..? అతని వీడియోలను చూసిన క్రిస్‌గేల్.. ‘‘చాహల్ సోషల్ మీడియాలో నువ్వు చాలా విసిగిసిస్తున్నావు. జీవితంలో మళ్లీ నిన్ను చూడాలనుకోవట్లేదు. ఇకనైనా సోషల్ మీడియాకి దూరంగా ఉండు. ఆఖరిగా ఒక మాట నిన్ను పర్సనల్‌గా సోషల్ మీడియాలో నేను బ్లాక్ చేయబోతున్నా’’ అని వార్నింగ్ ఇచ్చాడు.

చాహల్ టిక్ టాక్ వీడియోల గురించి ఇటీవల ఏబీ డివిలియర్స్‌తో ఇన్‌స్టాగ్రామ్ లైవ్ సెషన్‌లో మాట్లాడిన కోహ్లీ.. అతను అంతర్జాతీయ క్రికెట్‌లో ఆడే క్రికెటరేనా..? అనే సందేహం కలుగుతోందని చెప్పుకొచ్చాడు. తాజాగా స్టార్ స్పోర్ట్స్‌తో విరాట్ కోహ్లీ మాట్లాడుతూ చాహల్ ఓ పెద్ద జోకర్‌లా మారాడని చురకలేశాడు. టీమిండియాతో పాటు ఐపీఎల్‌లోనూ విరాట్ కోహ్లీ కెప్టెన్సీలో చాహల్ మ్యాచ్‌లు ఆడుతున్న విషయం తెలిసిందే.

‘‘మీరు ఎవరినైనా లైవ్ సెషన్‌‌లోకి రావాలని కోరవచ్చు. నిజానికి అలాంటి సెషన్స్‌లోనే నిజమైన వ్యక్తిత్వం బయటపడుతుంది. ఉదాహరణకి చాహల్‌ని చూడండి.. ఈ లాక్‌డౌన్ సమయంలో అతను ఓ పెద్ద జోకర్‌గా మారిపోయాడు. ఇక సైలెంట్‌గా ఉండే జస్‌ప్రీత్ బుమ్రా.. అభిమానులతో అంత సుదీర్ఘంగా మాట్లాడగలడని నాకు ఇప్పటి వరకూ తెలీదు’’ అని విరాట్ కోహ్లీ వెల్లడించాడు.



Source link

Leave a Reply

Your email address will not be published. Required fields are marked *